II Samuẹl 21:3 - Edo Bible (E Baibol Ẹdo) Version 1996

³ Ẹre Devid ghi na tie ivbi e Gibiọn, ọ keghi tama iran wẹẹ, “De emwi ne I gha ru ne uwa yi? I ho ne i kpe uwa oya vbe emwi ne a ru uwa re, ne uwa miẹn ehe na na erhunmwu ne emwa Osanobua.”

II Samuẹl 21:3 ပူးပေါင်းရင်းမြစ်များ

II Samuẹl 20:19

Okpẹvbo ọ re ẹvbo ima khin, ọkpa vbe uwu ẹvbo ne ọfumwegbe ye sẹ kevbe ne ọ ye ekhọe ga vbe Izrẹl. Vbọzẹ ne u na ho ne u fuẹn ọnrẹn yi? Te u ho ne u mu emwi ne ọ re ọghe Osanobua rhia ra?”

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Levitikọs 1:4

Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Jona 1:11

Ẹhoho keghi dọlegbe gha tua yọ, rhunmwuda ọnii, avbe oziguẹ nọ rẹn wẹẹ, “Vbe ima gha ruẹ hẹ yi ne ẹhoho miẹn ehe na dobọyi?”

Hibru 9:22

Vbe ẹmwata, zẹ vbene Uhi khare, esagiẹn ọre a ya ye emwi hia huan, a deghẹ a ma da esagiẹn ye otọ, orukhọ ne a ya bọ ẹ i rrọọ.

I Samuẹl 2:25

Ọmwa gha ba emwi ku ru ghe ọmwa ọvbehe, Osanobua sẹtin degue ẹre, sokpan de ọmwa ne ọ ra degue ọmwa ne ọ ba emwi ku ru ghe Osanobua?” Sokpan, iran ma zẹ ye erha iran re, rhunmwuda, Osanobua ta ẹe nẹ wẹ te irẹn ra fuẹn iran uan.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.