II Samuẹl 21:21 - Edo Bible (E Baibol Ẹdo) Version 1996

²¹ Ọ keghi fa ivbi Izrẹl rua, ẹre Jonatan ne ovbi e Siama ne ọtiẹn Devid na gbe ẹe rua.

II Samuẹl 21:21 ပူးပေါင်းရင်းမြစ်များ

II Samuẹl 13:3

Sokpan, rẹn kegha mwẹ ọse ọkpa ne a tie ẹre Jonadab, ovbi ọtẹn Devid nokpia ne a tie ẹre Siama, ọ kegha re ọmwa ne ọ wan ẹwaẹn egui.

II Samuẹl 21:20

Okuo ọvbehe keghi vbe gha rre Gat, arhuanran ne igbinna wa yẹ keghi rre evba. Ọ kegha mwẹ ikpinhianbọ ehe-han vbe obọ ọkpọkpa, kevbe ikpinhia-nwẹ ehan vbe owẹ ọkpọkpa.

II Samuẹl 21:22

Iran enenẹ na kegha re ivbi uniẹn avbe arhuanran ni rre Gat, e Devid kevbe emwa rẹn keghi gbele iran an.

II Ọba 19:13

Avbe ọba ẹvbo ne a tie ẹre Hamat, Apad, Sefavim, Hena kevbe Iva vbo?”

I Krọnikol 2:13

E Jese kegha mwẹ emọ ikpia ihinrọn. Vbene a ya biẹlẹ iran lele egbe ọre ọna khin: Eliab, Abinadab, Siama.

I Krọnikol 27:32

E Jonatan ne ovbi iye erha Devid kegha re ọguọmwaziro ne ọ guẹe ẹsẹse kevbe ne ọ rẹn emwi. Rẹn kevbe Jẹhiẹl ne ovbi e Hakmọn ọ re a mu ẹmwẹ emwi ne a ma ivbi ọba re ye ọ re obọ.

I Samuẹl 16:9

Ẹre Jese na vbe rhie Saima rre. E Samuẹl kevbe kha wẹẹ, “E Nọyaẹnmwa ma vbe zẹ ọna.”

I Samuẹl 17:10

Evẹn ọre I si ivbiyokuo Izrẹl re vbene I wa mudia ye emwa na nian.” Ọ ghi vbe dọlegbe rhie te ẹe wẹẹ, “Wa danmwẹ ọẹn ghe ne uwa zẹ emwa rre ne ọ do gunmwẹ gbinna.”

I Samuẹl 17:3

Ivbi e Filistin keghi tẹn ye uhunmwu oke ọkpa, ivbi Izrẹl kevbe tẹn ye uhunmwu oke nọkpa vbe ne iya na gha rre ẹkpo iran.

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.