II Samuẹl 21:17 - Edo Bible (E Baibol Ẹdo) Version 1996

¹⁷ Sokpan, Abisiai ne ovbi e Zeruaia keghi rhie iyobọ ne Devid, ọ keghi dekun arhuanran na, ọ na gbe ẹe rua. Emwa e Devid keghi wẹ ne ọ do yan ighẹ rẹn i ghi dọlegbe lele iran yo okuo ẹdẹ. Iran tama rẹn wẹẹ, “Wẹ ọrọre idaehọ ne Izrẹl mwẹ, ma i ho ne u wi mwa.”

II Samuẹl 21:17 ပူးပေါင်းရင်းမြစ်များ

II Samuẹl 14:7

Ne a ghi ye na nian enọwanrẹn, etẹn mwẹ hia wa hẹ aro da mwẹ, iran wẹ ne I rhie ovbi mwẹ ne iran, ne iran gbe ẹe rua ba ẹmwẹ ne ọ na gbe ọtiọnrẹn uan. Iran gha ru emwi na, mẹ ghi wa do khian ne ẹ i ghi mwẹ ọmọ okpia. Iran gha wa rhu mwẹ ukparo ọkpa ne I te mwẹ, iran ghi do ya ọdọ mwẹ khian ne ẹ i ghi mwẹ ọmọ okpia ne ọ gha ya eni ẹnrẹn khian ne ọ ma gbe ẹro.”

II Samuẹl 18:2

Ọ keghi wa iran ye ihe eha, ọ na mu obọkpa ne Joab, obọkpa ne Abisiai ne ọtẹn Joab kevbe obọkpa ne Itai ne ovbi ẹvbo ne a tie ẹre Gat, ọba keghi tama emwa rẹn wẹẹ, “Me tobọ mwẹ gha lele uwa gha khian.”

II Samuẹl 18:3

Iran wanniẹn tama rẹn wẹẹ, “Ghẹ lele ima yo hiehiere. A deghẹ ma hia werrie urhuawẹ ma na lẹ avbe eghian ima i ra vbe zẹ yọ, erriọ vbe nọ a deghẹ obọ ọkpa vbe a gha wa ima hia ye ihe eva vbe wulo. Sokpan, wẹ sẹ arriaisẹn igbe (10,000) vbe uwu ima. Emwi ne ọ gha kei sẹ ọrọre ne uwẹ mudia vbe ore ẹvbo vbe emwana ne u gha gie iyobọ gie ima.”

II Samuẹl 22:19

Ẹghẹ vbe I rre uwu ọlọghọmwa, iran kegha gun mwẹ khọn, sokpan, e Nọyaẹnmwa keghi degue mwẹ.

II Samuẹl 22:29

Nọyaẹnmwa, wẹ ọrọre uwanmwẹ mwẹ, u zagha ebiebi mwẹ kua.

I Ọba 11:36

I gha sẹ ẹwae ọkpa rae ne ovbi e Solomọn ne a miẹn ehe na miẹn wẹ ẹ i mwẹ ovbi e Devid ne ọguọmwadia mwẹ ma gha khaemwisẹ vbe Jerusalẹm ne ẹvbo ne I mẹ zẹe kevbe ehe ne a na ga mwẹ.

I Ọba 15:4

Sokpan, e Nọyaẹnmwa ne Osanobua ẹre keghi rhunmwuda e Devid rhie ọmọ okpia ne Abija ne ọ rriọba lele ẹe vbe Jerusalẹm kevbe ne ọ ye Jerusalẹm khian ne ẹkun sẹ ọ re otọ.

Psalm 132:17

I gha ya ọkpa vbe uwu ivbi e Devid, ma ọba nọkhua vbe emwa na, emwa na ọ re I gha na rhie ẹre mwẹ, ighe irriegie ọghe ọba ne I hannọ zẹ.

Psalm 144:10

Wẹ ọ re ọ rhie akhọnmiotọ ne avbe ọba, u keghi vbe miẹn Devid ne ọguọmwadia ruẹ fan,

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Jerimaia 40:15

Ẹre Johanan na hẹko tama rẹn wẹẹ, “Gun mwẹ ya gbe Ismaẹl rua, ọmwarhọkpa i vbe rẹn ọmwa ne ọ ru ẹe. Vbọzẹ ne a gha na rhie otọ ne ẹẹn ne ọ ya gbe uẹ ua. Ọnii gha zagha avbe Ju ni te do lẹga ruẹ na hia kua, ọ ghi vbe si ọfuan gie emwa hia ni rre Juda.”

Iyẹn ne ọ Maan Ọghe Jọn 5:35

Jọn keghi ye vbe ukpa ne ọ baa, ne ọ vbe wan uwanmwẹ ladian, wa keghi ho ne uwa ya uwanmwẹ ọnrẹn zọmọ vbe ovbi e ẹghẹ kherhe.