II Samuẹl 21:10 - Edo Bible (E Baibol Ẹdo) Version 1996

¹⁰ Ẹre Rizpa ne egbakhian e Sọl ne ọ vbe re ovbi Aia, na mu ẹkpo ivin, ọ na ya bọ okhogbo ne egbe ẹre vbe uhunmwu okuta ehe ne avbe ikun orinmwi nii ye, ọ na wa gha rre evba ke ẹghẹ ne a ya suẹn gha rhọ emwiorhọ kpao ya sẹ ẹghẹ ne amẹ ukpo ya rhọ. Ọ ma gie ahianmwẹ tin sẹ evba vbe avan, ra aranmwẹ akọn vbe asọn.

II Samuẹl 21:10 ပူးပေါင်းရင်းမြစ်များ

Gẹnẹsis 40:19

Vbe irakhuẹ e Fero gha tie ruẹ, ọ ghi fian an uhunmwu fua! Ọ ghi si ikun ruẹn rrọ ye uhunmwu erhan, avbe ahianmwẹ ghi gha rri efun egbe ruẹ.”

II Samuẹl 21:11

Ugbẹn vbe Devid ghi họn emwi ne Rizpa ru, ọ kegha rrie Jabẹs ne Giliad,

II Samuẹl 3:7

Ọ ghi sẹ ẹdẹ ọkpa, Isbosiẹt ne ovbi e Sọl keghi ba Abna ifi ẹzọ wẹ ọ gu Rizpa ne ovbi Aia ne okhuo kevbe egbakhian e Sọl ru emwi ọdọ vbe amwẹ.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Ezikiẹl 39:4

E Gọg kevbe avbe ivbiyokuo ẹre deba iran ni yegbe ba ẹre gha dele wu vbe oke Izrẹl, I ghi vbe gie ikun iran khian evbare ne avbe ahianmwẹ kevbe aranmwẹ oha hia.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Joẹl 1:18

Avbe ẹmila gha tulo ba ẹmwẹ akhiẹ, rhunmwuda ehe ne iran na rri irunmwu i ghi rrọọ usẹ vbe sẹ oghẹn ohuan ba ẹre.

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Zẹkaraia 10:1

Wa nọ e Nọyaẹnmwa amẹ ne ọ rhọ vbe omuhẹn orhọ. E Nọyaẹnmwa ọ re ọ gie amẹ bi ne ọ na vbe rhọ ne ugbo na maa ne emwa hia.

Diuteronomi 11:14

Wa gha ru vberriọ, ọ gha gie amẹ rhọ ye otọ uwa vbe ẹghẹ ne ọ khẹ ke, vbe ẹghẹ ahọ orhọ kevbe ahọ uyunmwu, ne uwa miẹn ehe na gha mwẹ ọka, ayọn kevbe ofigbọn ọliv.

Diuteronomi 21:13

ọ vbe viọ ukpọn ọvbehe yọ. Ọ ghi di owa ruẹ ya la uki ọkpa ne ọ ya khiẹ evbibiẹ ọe, iyeke ọnii, u sẹtin rhie ẹre rọnmwẹ.

Diuteronomi 21:22

“A deghẹ ọmwa ru emwi dan, a na gbe ẹe rua yọ, a na si ikun ẹnrẹn rrọ ye erhan,

Diuteronomi 21:23

a ghẹ gie ẹdẹ gbe ẹe ye evba, rhunmwuda ikun orinmwi ne a sirra ye erhan te ọ sọnnọ e Nọyaẹnmwa vbe ọ gha dẹ ghe ẹre. Wa ya re ikun orinmwi nii ne uwa ghẹ ya mu awua ye otọe nii ne Nọyaẹnmwa Osanobua rua ra mu ne uwa.”

I Samuẹl 17:44

Ọ na tama e Devid wẹẹ, “Bu mwẹ gha dee, I gha mu ikun ruẹn ne ahianmwẹ kevbe aranmwẹ rhie re.”

I Samuẹl 17:46

E Nọyaẹnmwa gha rhie ruẹ ye ẹtin mwẹ atataobọ ẹdẹnẹrẹ na, obọ mwẹ gha ke ukhunmwu ne uẹn, I gha fian uhunmwu ruẹn fua, I ghi viọ ikun ivbiyokuo e Filistin ne avbe ahianmwẹ kevbe aranmwẹ ne iran gha re. Otọ agbọn hia ghi rẹn wẹ, Izrẹl mwẹ Osanobua.