II Samuẹl 20:9 - Edo Bible (E Baibol Ẹdo) Version 1996

⁹ E Joab keghi tama Amasa wẹẹ, “Vbọ ye hẹ ọse mwẹ.” Ọ na ya obọ erha ọmwa mu ẹre ẹtu ne ọ miẹn ehe na mu ẹre unu hiẹnhiẹn.

II Samuẹl 20:9 ပူးပေါင်းရင်းမြစ်များ

II Samuẹl 15:5

Ọmwa ni ghẹ ghi sikẹ Absalọm ne ọ diguẹ tuẹ ọe, Absalọm ghi mu ẹẹn, ọ ghi si ẹe ke ẹe gbe, ọ ghi mu unu soso ẹre unu.

II Samuẹl 17:25

(Absalọm keghi rhie Amasa ye ihe Joab zẹ vbe ọkaokuo. Amasa na kegha re ovbi e Jetẹ ne ọmwa Ismal. A kegha tie iye ẹe Abigẹl ne ovbi e Nahas ne ovbiye Zeruaia ne iye Joab.)

II Samuẹl 18:29

Ọba keghi ka kha wẹẹ, “Deghẹ ọ ye ọvbokhan nii ẹse ighẹ Absalọm?” Ahimaz na wanniẹn wẹẹ, “Dọmọ o, ẹghẹ ne Joab na gie mwẹ, I miẹn vbe emwa hu yo hu rre, sokpan I ma rẹn vbe ọ ya de.”

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

I Ọba 2:32

E Nọyaẹnmwa gha rria e Joab ikhi ye a ghẹ ru ne ọ ru nii vbe ne erha mwẹ ma na rẹn. E Joab gbele arhin eva ni maa sẹẹ ọre vbe ne iran ma na ru khọ, iran na ọ re Abna ne ọkaokuo ọghe ivbi iyokuo Izrẹl kevbe Amasa ne ọkaokuo ọghe ivbi iyokuo e Juda.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Itan 26:23

Ẹmwẹ ọrhiẹnrhiẹn vbukpẹ ne ọ ma gia rẹn emwi ne ọ rre ọmwa ẹko, te ọ yevbe ose ne ọ rre egbe uwawa obuẹ ọpuẹkẹ.

Itan 27:6

Ọse gha kue dobọ fi ọmwa emwi ne ọ da ọmwa, iku ọyẹnmwẹ nọ. Sokpan, eghian ọmwa gha ye obọ kin ọmwa urhu; te a khẹ ye egbe.

Jerimaia 41:2

Ismaẹl kevbe arhingbe ni gu ẹe rre evba nii keghi yuolo umozo iran ladian, iran na gbe Gedalaia a.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Giọgis 3:15

Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.