II Samuẹl 20:8 - Edo Bible (E Baibol Ẹdo) Version 1996

⁸ Iran ghi sẹ okuta nọkhua ne ọ rre Gibiọn, Amasa keghi vba iran. Te Joab mu egbe okuo vbe ne ọ na mu umozo ne ọ rre ako ọre gba ye ẹkun, ọ ghi wa dee ni, umozo ni keghi yuo defua.

II Samuẹl 20:8 ပူးပေါင်းရင်းမြစ်များ

II Samuẹl 2:13

E Joab ne ovbi Zeruaia kevbe emwa ni rre asẹ vbe ototọ e Devid keghi gha khian ya vba iran vbe uhẹnhẹn amẹ ne ọ rre evba, otu ọkpa vbe obọ na ọghe nene amẹ kevbe otu nọkpa vbe obọ nọkpa ọghe nene amẹ.

II Samuẹl 3:30

Erriọ ọ re a na miẹn wẹ e Joab kevbe Abisiai ne ọtiọnrẹn na gbe Abna an, rhunmwuda ighẹ ọ gbe Asahẹl ne ọtẹn iran vbe okuo Hibrọn.

Matiu 3:4

Ukpọn ne a ye eto aranmwẹ oha do ọre Jọn na gha mu rhuan, ọ ghi mu ugbẹkun ohian gba ẹkun, evbare ne ọ re keghi re irhiso kevbe owọn oha.

Giọgis 3:16

Ehud keghi ya dunmwu agbada ne ọ mwẹ unu eva ne ọ re omwa ibata ọkpa vbe ukhiọnmwẹ, ọ keghi gba ẹe ye obọ erha ọmwa ẹnrẹn vbene ọ na rhuan ukpọn gue ẹre.