II Samuẹl 20:6 - Edo Bible (E Baibol Ẹdo) Version 1996

⁶ Ẹre ọba na tama Abisiai wẹẹ, “Ukpokpo ne Siẹba gha rhie ne ima gha kpọlọ sẹ ọghe Absalọm. Viọ emwa mwẹ ne u khu ẹe ne a ghẹ miẹn wẹ ọ ya la ẹvbo ne a gbe odin gaa, ọ ghi la evba lẹ fua hin obọ mwa rre.”

II Samuẹl 20:6 ပူးပေါင်းရင်းမြစ်များ

II Samuẹl 10:14

Ivbi Amọn ghi miẹn wẹ ivbi e Siria lẹre, iran keghi vbe lẹ hin ehe ne Abisiai ye rre, iran na la adesẹ ore ẹvbo. Ẹre Joab ghi na werriegbe ke okuo ne ọ te gu ivbi Amọn khọn, ọ na gha die Jerusalẹm.

II Samuẹl 11:11

Uraia keghi wanniẹn wẹẹ, “Ikpia hia ni rre Izrẹl kevbe Juda kpao vbe owa gha rrie okuo, Ẹkpẹti Ile vbe deba iran gha rre evba, e Joab ne ọkaokuo imẹ kevbe avbe emwa ni rre asẹ vbe ototọ ẹre hia rre oha. Vbe imẹ ghi ra gha rrie owa hẹ, ne I ya gha re, ne I ya gha da, kevbe ne I ya gha tie ọvbokhan mwẹ ovbe. A rrie agbọn, a rrie ẹrinmwi, I i danmwẹ emwi vberriọ.”

II Samuẹl 18:12

Sokpan, okpia nii keghi wanniẹn wẹẹ, “Ọ gha khọn ruẹn ne u viọ igho esiliva arriaisẹn mẹ, mẹ i ra kpa ikpi-nhianbọ mwẹ ya fi ovbi ọba emwi. Ma hia họẹn ẹghẹ ne ọba na gha yi iyi ne uwẹ kevbe Abisiai kevbe Itai wẹẹ, ‘Rhunmwuda mwẹ, wa ghẹ kuan ọmọ nii egbe.’

II Samuẹl 18:2

Ọ keghi wa iran ye ihe eha, ọ na mu obọkpa ne Joab, obọkpa ne Abisiai ne ọtẹn Joab kevbe obọkpa ne Itai ne ovbi ẹvbo ne a tie ẹre Gat, ọba keghi tama emwa rẹn wẹẹ, “Me tobọ mwẹ gha lele uwa gha khian.”

II Samuẹl 19:7

Banbanna nian, ya dọlegbe rhie ẹtin ye emwa ruẹn iwu. Ne I tama ruẹn, a deghẹ u ma ru vberriọ, I ye eni e Nọyaẹnmwa vẹn ihẹn wẹ, vbe owiẹ ne a khuẹ, u i ghi ra miẹn orhiọnkpa ne ọ gha ye gha rre esa ọwuẹ. Ọnii ọ khian gha re emwi ne ọ wegbe sẹ vbe emwi ne u he miẹn vbe ẹdẹ agbọn ruẹn.”

II Samuẹl 2:18

Ivbi e Zeruaia eha ighẹ Joab, Abisiai kevbe Asahẹl, kegha rre evba. Asahẹl ne a rẹnrẹn wẹ te ọ rhulẹ vbe ẹrhuẹ,

II Samuẹl 21:17

Sokpan, Abisiai ne ovbi e Zeruaia keghi rhie iyobọ ne Devid, ọ keghi dekun arhuanran na, ọ na gbe ẹe rua. Emwa e Devid keghi wẹ ne ọ do yan ighẹ rẹn i ghi dọlegbe lele iran yo okuo ẹdẹ. Iran tama rẹn wẹẹ, “Wẹ ọrọre idaehọ ne Izrẹl mwẹ, ma i ho ne u wi mwa.”

II Samuẹl 23:18

Ọtẹn e Joab ighẹ Abisiai (ne ovbi Zeruaia) kegha re ọkaolotu iran ọgban ni hin usi nii. Ọ keghi ye asoro ẹre gu arhin iyisẹn yan uri (300) gbinna, ọ keghi gbele iran an, ọ keghi do khian ne ọ hin usi vbe uwu avbe iran ọgban nii.

II Samuẹl 3:30

Erriọ ọ re a na miẹn wẹ e Joab kevbe Abisiai ne ọtiọnrẹn na gbe Abna an, rhunmwuda ighẹ ọ gbe Asahẹl ne ọtẹn iran vbe okuo Hibrọn.

II Samuẹl 3:39

A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

I Ọba 1:33

rẹn keghi tama iran wẹẹ, “Wa viọ avbe ukọ ne iwẹguae mwẹ ba egbe, wa mu ẹ Solomọn ne ovbi mwẹ yan ekẹtẹkẹtẹ mwẹ, ne ọ hin ẹnrẹn ne uwa lele ẹe gha rrie Ẹzẹ Gihọn,

I Krọnikol 11:20

Abisiai ne ọtẹn e Joab ọ re ọ gha re ọkaolotu iran ne “Ọgban Ni hin usi.” Ọ keghi ye asoro ẹre gu arhin iyisẹn eha (300) gbinna, ọ na gbele iran hia a, ọ na do hin usi sẹẹ vbe uwu ẹbu “Iran ne Ọgban,” ọ na do gha re olotu iran.

I Krọnikol 18:12

Abisiai ne a tie eni iye ẹe Zeruaia keghi khọn ivbi Idọm vbe Iya Umwẹ, ọ na gbele arriaisẹn evairrọvbugie (18,000) vbe uwu iran.

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Iyẹn ne ọ Maan Ọghe Mak 3:24

A deghẹ ẹvbo ọkpa gha egbe ye otu otu gha gu egbe khọn, te ẹvbo nii ra zagha a.

I Samuẹl 26:6

Ẹre Devid na nọ Ahimẹlẹk ne ovbi ẹvbo Hiti kevbe Abisiai ne ọtẹn Joab wẹẹ (iye iran ọre a tie ẹre Zẹruia), “Gha ọ gha lele mwẹ gha rrie agọ e Sọl vbe uwu uwa yi?” Abisiai keghi wanniẹn wẹẹ, “I gha yo.”