II Samuẹl 20:26 - Edo Bible (E Baibol Ẹdo) Version 1996

²⁶ Ira ne ovbi ẹvbo ne a tie ẹre Jaẹl kevbe gha re ọkpa vbe avbe ohẹn e Devid.

II Samuẹl 20:26 ပူးပေါင်းရင်းမြစ်များ

Gẹnẹsis 41:43

Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.

Gẹnẹsis 41:45

Ọ keghi he Josẹf eni gha tiẹre Zafenat-Pania. Ọ keghi rhie okhuo ne a tiẹre Asẹnat nẹẹn, ovbi e Pọtifera ne ohẹn ẹvbo ne a tiẹre Helio-polis.

II Samuẹl 20:25

E Siova kegha re ọgbenbe iko ibuohiẹn; e Zadọk kevbe Abiata keghi re avbe ohẹn.

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

II Samuẹl 8:18

E Benaia ne ovbi Jehoaida, kegha re ọkaolotu iran ne Devid hẹ gaga egbe, ivbi e Devid kevbe gha re ohẹn.

I Ọba 4:5

Ọka avbe ogie isi: Azaraia ne ovbi e Natan. Iguọbaziro: ohẹn ighẹ Zabuk ne ovbi e Natan.

II Krọnikol 35:15

Avbe iran ni kpe emaba na ni re avbe Livai ne ivbi uniẹn Asaf, kegha rre ehe ne Devid ne Ọba we ne a viọ iran yi, iran na ọrọre Asaf, e Himan kevbe Jedutun ne akhasẹ ọba. Avbe iran ni khẹ onurho Ọgua Osa ma ghi vbe zẹdẹ kpao hin ihẹ iran rre, rhunmwuda, avbe Livai nekpa mwamwa emwi Alagberra ọghe iran ne iran.

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Ẹksọdọs 24:11

Osanobua ma ru avbe ọkaolotu Izrẹl emwi ikuangbe. Iran dẹghe Osanobua iran keghi koko re, iran na vbe koko da.

Diuteronomi 3:14

E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)