II Samuẹl 20:23 - Edo Bible (E Baibol Ẹdo) Version 1996

²³ E Joab keghi re ọkaokuo ivbiyokuo Izrẹl, e Benaia ne ovbi e Jehoaida kegha gbearoghe ivbi ọkpọmwa e Devid.

II Samuẹl 20:23 ပူးပေါင်းရင်းမြစ်များ

II Samuẹl 20:7

Rhunmwuda ọnii emwa Joab ighẹ avbe emwa ne ọba viọ ya khẹ egbe kevbe ivbiyokuo ni de ke ẹe hia, keghi lele Abisiai. Iran na kpao vbe Jerusalẹm rre, iran na khu e Siẹba.

II Samuẹl 23:20

E Benaia, ne ovbi e Jehoaida ne ọ ke Kabzil rre kegha re ovbiyokuo ne ọ hin usi, ọ winna iwinna ni hin okhuaẹn eva ne ivbi e Moab. Ọ kevbe la uwu uvun vbe ẹdẹ ne esia wa de, ọ na ya gbe oduma.

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

I Ọba 1:7

Ọ keghi gu e Joab guan (ne a tie iye ẹe Zeruaia) kevbe Abiata ne ohẹn, iran keghi kue yọ wẹ iran viọ obọ ye ọre iyeke vbe emwi ne ọ khian ru.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Ọba 4:1

E Solomọn keghi rriọba yan otọ Izrẹl hia.

II Ọba 11:4

Sokpan, ọ ghi sẹ ukpo ne ogihinrọn, e Jehoiada keghi gie na tie avbe ọkaokuo ni re arowa iran ne ọba ya khẹ egbe, kevbe avbe ukọ ẹguae, ọ na wẹ ne iran gha die Ọgua Osa, ọ na ya iran vẹn ihẹn wẹ ne iran ye obọ ye emwi ne irẹn mwamwaẹn ne iran ru, ọ keghi rhie Joas ne ovbi Ahazaia ne ọha ma iran.