II Samuẹl 20:22 - Edo Bible (E Baibol Ẹdo) Version 1996

²² Okhuo nii keghi mu iro nii gie ẹvbo. Iran na fian Siẹba uhunmwu, iran na fiẹe la uhunmwu ekẹn gie Joab, rẹn keghi kpe okpe, emwa rẹn hia keghi kpao vbe ẹvbo nii rre, iran na gha rrie. Ẹre Joab na dọlegbe bu ọba gha rrie Jerusalẹm.

II Samuẹl 20:22 ပူးပေါင်းရင်းမြစ်များ

II Samuẹl 18:16

E Joab na wẹ ne iran kpe okpe ne emwa da obọ igbinna yi, ivbi iyokuo ẹre keghi werriegbe vbe ehe ne iran na te khu ivbi Izrẹl khian.

II Samuẹl 18:17

Iran keghi mu ikun Absalọm, iran na mu ẹẹn fi uwu uvun ne ọ dinmwi vbe uwu ẹgbo, iran na silo okuta ọrhẹnrhẹn ranrẹn. Ivbi Izrẹl hia keghi lẹ kua, dọmwadẹ ọghọe ghe owa ẹre.

II Samuẹl 2:28

Ẹre Joab ghi na kpe okpe, emwa rẹn hia keghi hẹwẹ vbe ukhumwẹ ne iran khu ivbi e Izrẹl khian, iran na da obọ igbinna yi.

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 20:16

Edede ọkpa ne umẹwaẹn keghi rre ẹvbo nii, ọ keghi niẹn urhu davan ke ekẹn nii rre wẹẹ, “Wa danmwehọ! Wa tama e Joab ne ọ larre edinran ighẹ I ra gu ẹe guan.”

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.