II Samuẹl 20:21 - Edo Bible (E Baibol Ẹdo) Version 1996

²¹ Ọnii i re iro ne ima zẹe. Okpia ọkpa ne a tie ẹre Siẹba ne ovbi Bikri ne ọ ke Ifreim ne ẹvbo oke rre ọ re ọ sọtẹ e Devid ne ọba. Wa rhie okpia na ọkpa kẹkan ladian, I ghi kpao hin ẹvbo na rre.” Okhuo nii keghi kha wẹẹ, “Ma gha fi uhunmwu ẹnrẹn la uhunmwu ekẹn guẹ.”

II Samuẹl 20:21 ပူးပေါင်းရင်းမြစ်များ

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 20:2

Ẹre ivbi Izrẹl na fi iyeke gbe Devid, iran na lele Siẹba. Sokpan ivbi e Juda ma fi ekhọe werriẹ, iran keghi lele Devid ke Jọdan gha dee do sẹ e Jerusalẹm.

II Samuẹl 20:20

E Joab keghi wanniẹn wẹẹ, “Ẹn o, I i ra guọghọ ra ne I vbe mu ẹvbo uwa rhia.

II Samuẹl 23:18

Ọtẹn e Joab ighẹ Abisiai (ne ovbi Zeruaia) kegha re ọkaolotu iran ọgban ni hin usi nii. Ọ keghi ye asoro ẹre gu arhin iyisẹn yan uri (300) gbinna, ọ keghi gbele iran an, ọ keghi do khian ne ọ hin usi vbe uwu avbe iran ọgban nii.

I Ọba 11:26

Ọmwa ọvbehe ne ọ ghi vbe sọtẹ e Solomọn kegha re ọkpa vbe uwu emwa iwinna rẹn ne a tie ẹre Jeroboam ne ovbi e Nebat ne ọ ke Zareda ne otọ Ifreim rre. Iye ẹe kegha re okpokhuo ne ọ dẹgbẹ, a tie ẹre Zẹrua.

II Ọba 10:7

Ugbẹn vbe ebe Jehu ghi sẹ iran obọ, avbe ekamakodin ni rre Sameria nii, keghi gbele ivbi Ehab ekigbesiyenẹ nii, iran na kun uhunmwu iran ye okhuae hẹ gie Jehu vbe Jezrẹl.

II Ọba 5:22

E Gehazi keghi wanniẹn wẹẹ, “Ẹn, sokpan, arowa mwẹ ọ re ọ gie mwẹ ne I do khama ruẹn wẹẹ, ‘Eva vbe uwu ivbi otu akhasẹ ni rre odẹ ekẹn Ifreim rre do tuẹ irẹn, ọ wẹ ne u viọ ikpẹ esiliva arriaisẹn eha kevbe ukpọn nọ mose ughughan eva gie iran.’ ”

Jerimaia 4:15

Emwa ne a gie ẹre uhunmwu ke Dan kevbe avbe uhunmwu oke Ifreim gha dee, ọ re ọ do na iyẹn dan nii.

Jerimaia 50:19

“I gha viọ ivbi Izrẹl dọlegbe gha die otọ iran. Iran gha re vbe emwiokọ ne ọ zọ vbe Oke Kamẹl, kevbe otọe Basian, iran ghi vbe rri enọrhirhi khọn iran vbe emwiokọ ne a miẹn vbe otọe Ifreim kevbe Giliad.

Jọsua 24:33

Eliaza ne ovbi Errọn keghi wu, a na re ẹre ye Gibea ne ẹvbo e Finihaz ne ovbi ẹre, ne a mu ne ẹẹn vbe ẹvbo oke ọghe Ifreim.

Giọgis 2:9

A keghi re ẹre ye obọ ọghe ọe vbe otọe nii, vbe Timnat Sera vbe Ifreim ne ẹvbo oke vbe odẹ okuọ ọghe Oke Gaas.

Giọgis 7:24

E Gidiọn keghi gie emwa ya la avbe ẹvbo ni rre oke Ifreim khama iran wẹẹ, “Wa gha dee ne uwa do gu ivbi e Midian gbinna. Wa mu Ẹzẹ Jọdan mwẹ kevbe avbe ivbi ẹzẹ ni ya sẹ Bẹtbara ne a ghẹ gie ivbi e Midian fiaẹn rra.” A keghi tie ivbi Ifreim si koko. Iran keghi mu ẹzẹ Jọdan mwẹ, kevbe avbe ivbi ẹzẹ ya sẹ Bẹtbara.

Giọgis 9:55

Ivbi Izrẹl ghi miẹn wẹ Abimẹlẹk wu nẹ, iran hia kegha rrie owa.

I Samuẹl 24:6

Ọ keghi tama emwa rẹn wẹẹ, “E Nọyaẹnmwa ghẹ gun mwẹ ru arowa mwẹ, ọmwa ne Nọyaẹnmwa ma re ọba, emwi rhọkpa. Ọ ma kei ne I ya obọ kan rẹn, rhunmwuda, ọba ne Nọyaẹnmwa zẹe nọ.”

I Samuẹl 26:9

Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”