II Samuẹl 20:19 - Edo Bible (E Baibol Ẹdo) Version 1996

¹⁹ Okpẹvbo ọ re ẹvbo ima khin, ọkpa vbe uwu ẹvbo ne ọfumwegbe ye sẹ kevbe ne ọ ye ekhọe ga vbe Izrẹl. Vbọzẹ ne u na ho ne u fuẹn ọnrẹn yi? Te u ho ne u mu emwi ne ọ re ọghe Osanobua rhia ra?”

II Samuẹl 20:19 ပူးပေါင်းရင်းမြစ်များ

Gẹnẹsis 18:23

Ebraham keghi sikẹ Nọyaẹnmwa, ọ nọ rẹn wẹẹ, “Te u ra gele fuẹn nọ ma rukhọ ba eni rukhọ ra?

II Samuẹl 14:16

I roro ẹe wẹ, u gha rhie ehọ mẹ ta yi, ne u fan mwẹ vbe obọ ọmwa ne ọ ho ne ọ gbe mwẹ gbe mwẹ ọmọ, ọ ghi vbe yuolo ima kua hin otọ ne Osanobua mu ne emwa rẹn rre.

II Samuẹl 17:16

E Husiai keghi rhie te ẹe wẹẹ, “Zẹgiẹgiẹ nian, ya tama e Devid wẹ ne ọ ghẹ gbe asọn na vbe ehe ne a na fian ẹzẹ rra vbe uwu ẹgbo, sokpan ne ọ fian e Jọdan rra ẹgiẹgiẹ ne iran ghẹ mu ẹẹn ke ẹe kevbe emwa rẹn hia ya gbelua.”

II Samuẹl 20:18

Okhuo nii na kha wẹẹ, “Vbe ẹghẹ ne ọ kpẹe fua, te a te ta ẹe wẹẹ, ‘Ya gualọ otọ egbe ruẹ miẹn vbe Ebẹl.’ Erriọ ọ re iran gele gha ru ẹe.

II Samuẹl 20:20

E Joab keghi wanniẹn wẹẹ, “Ẹn o, I i ra guọghọ ra ne I vbe mu ẹvbo uwa rhia.

II Samuẹl 21:3

Ẹre Devid ghi na tie ivbi e Gibiọn, ọ keghi tama iran wẹẹ, “De emwi ne I gha ru ne uwa yi? I ho ne i kpe uwa oya vbe emwi ne a ru uwa re, ne uwa miẹn ehe na na erhunmwu ne emwa Osanobua.”

I Ọba 8:53

Wẹ ọ re ọ zẹ iran ke uwu ẹbu emwa hia ladian ne iran gha re emwa ruẹn, zẹ vbene u la unu e Mosis ne ọguọmwadia ruẹ tama iran, vbe ẹghẹ ne u na viọ avbe erha mwa odede ke Igipt ladian.”

Psalm 106:5

Gunmwẹ miẹn ọẹn vbe agbọn a maa emwa ruẹn, ne I vbe ghae vbe ọ yẹnmwẹ ruẹ, vbe ọyẹnmwẹ ne ọre ọghe emwa ruẹn.

Psalm 124:3

te iran gha wa minọ ima kevbe ẹmwẹ ne unu re, vbe uwu ohu dan ne iran mu ghe mwa;

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Psalm 78:71

Ehe ne ọ na su avbe ohuan rẹn, ọ ke ya ẹe rri ọba Izrẹl. Ọmwa ne ọ su ohuan emwa Osanobua.

Jerimaia 51:34

Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Eve Orriara 2:2

E Nọyaẹnmwa wa rẹnkhẹẹn igue hia ni rre Juda a vbe ne a i na vbe mwẹ itohan ọ kevbe guọghọ odin ne a te gba ga ẹvbo nii uan ọ keghi vbe fa otọe arriọba nii kevbe avbe ọkaolotu ẹre ua.

Eve Orriara 2:5

E Nọyaẹnmwa fuẹn Izrẹl rua nẹ zẹ vbe oghian ọ ye avbe odin kevbe ẹguae ẹre khian itowa ọ keghi vbe sii akhiẹ ne ẹ i fo ye ivbi Jerusalẹm egbe.

Nọmbas 16:32

Ọ keghi minọ iran kevbe avbe ẹgbẹe iran re, deba irogho e Kora kevbe emwi ni iran mwẹ hia.

Nọmbas 26:10

Otọ keghi rhan unu minọ iran re, iran keghi wulo deba Kora kevbe iran ni lelẹe vbe ẹghẹ ne a na fuẹn arhin ekigbesiyeha yan uri (250) ne iran gha re ne emwa nekpa miẹn wan.

I Kọrinti 15:54

Ẹghẹ nii, a ghẹ ghi mu a i wu ẹdẹ yọ emwi ne ọ sẹtin wu nẹ, ighẹ a vbe mu emwi ne ẹ i sẹtin wu yọ emwi ne ọ gha te wu nẹ, ẹmwẹ ebe ghi do sẹ wẹ, “A fuẹn uwu a nẹ, Akhọnmiotọ i re ne a ru ghẹghẹ.”

II Kọrinti 5:4

Omwa vbene ima na ye rre uwu okhogbo agbọn na, te ima gha ye gha khiẹkhiẹ egbe ba ẹmwẹ oya ne a rri ima re, ẹ i re rhunmwuda ighẹ ma ho ne a mu ikinnegbe ọghe agbọn mwa na fua, sokpan ma ho ne a ya ọghe ẹrinmwi yọ mwa, vbene a gha na miẹn wẹ, arrọọ ghi rhie emwi ne ọ sẹtin wu gbe re.

Diuteronomi 20:10

“Wa gha ya khọn ẹvbo ọkpa, wa ghi ka rhie ẹkpotọ ne iran ya rinmwian nẹ.

Diuteronomi 32:9

Sokpan ọ zẹ ivbi e Jekọb zẹ vbe ọghe ọe.

I Timoti 2:2

Ne avbe ọba kevbe emwa hia ni rre ọdakha, ne ima miẹn ehe na gha lo ẹdẹ mwa vbe ne khuẹrhẹ kevbe ọfumwegbe, vbe uwu a rẹn Osanobua kevbe uyinmwẹ ne ọ gbae.

Giọgis 5:7

emwa lẹ hin ore Izrẹl rre, e Dẹbora; ehia keghi divbiẹ vbe u te rre u rre zẹ vbe iye ne ivbi Izrẹl.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.