II Samuẹl 20:15 - Edo Bible (E Baibol Ẹdo) Version 1996

¹⁵ Emwa e Joab keghi rre, iran na ye igbinna yan e Siẹba vbe ore ẹvbo, iran keghi ye ekẹn ru utete ne a la hin ekẹn nii ye ihe eso vbe ore. Iran kevbe tọn ekẹn nii ẹzi ne ọ miẹn ehe na de.

II Samuẹl 20:15 ပူးပေါင်းရင်းမြစ်များ

II Samuẹl 20:14

E Siẹba keghi lẹ le otọ ẹwae ni rre Izrẹl hia, ọ keghi do sẹ ẹvbo Ebel Bẹt Maaka, ẹgbẹe Bikri kevbe lele ẹe la adesẹ ore ẹvbo.

I Ọba 15:20

E Benhadad ne ọba keghi gele kue yọ vbene Asa kha re, ọ keghi gie ọkaokuo ẹre kevbe ivbi iyokuo ẹre ne iran mu igbinna gha rrie Izrẹl. Iran khọn Ijon muotọ, Dan, kevbe Ebel Bẹt Maaka, ne ọ rre otọe hia ni rre ọkpẹn e Galili, ya deba otọe Naftali hia.

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Ọba 19:32

Emwi ne Nọyaẹnmwa ta ẹe vbe ekpa Ọgbaisi ọ ghe Asiria ọ re ọ na khin wẹẹ, ‘Ẹ i ra la ore ẹvbo na, a ma wẹ ne ọ fi ifẹnmwẹ ọkpa kẹkan fiọ, ovbiyokuo ne ọ mu asa mwẹ ne ọ gha sikẹ ore ẹvbo nii, ẹ i rrọọ, ra ne a ma ekẹn ne a ya khọn ẹvbo lẹga ẹre.

Asan-Ibo 9:14

Ẹvbo okpa ne ọ ye kherhe kegha rrọ, emwa ni rrọ i vbe bun. Ọba ne ọ mwẹ ẹtin ẹsẹse okpa keghi mu okuo gha khian, ọ keghi lẹ khinkhian ẹẹn, ọ na wẹ rẹn ra guọghọ ekẹn ọnrẹn gberra.

Aizaia 37:33

“Vbenian ọ re Nọyaẹnmwa khare vbekpa ọgbaisi Asiria: ‘Ẹ i fi owẹ la ore ẹvbo na, ra ne ọ fi ifẹnmwẹ ọkpa ghe ẹre. Ivbiyokuo ni viọ asa mwẹ i ra sikẹ ẹvbo na, a i ra vbe tọn uye ne a ya ghae ye okuo lẹga ẹre.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 33:4

Mẹ ne Nọyaẹnmwa ne Osanobua Izrẹl tae wẹ avbe owa e Jerusalẹm kevbe ẹguae ọba e Juda, gha khian ne a siẹẹn sotọ rhunmwuda okuo ne ọ ghae ga ẹre kevbe igbinna na.

Jerimaia 6:6

E Nọyaẹnmwa ne Oghodua tama avbe ọba nẹ wẹ ne iran gia erhan gbotọ, ne iran ma utete, ne iran miẹn ehe na khọn la Jerusalẹm. Rẹn kha ne wẹẹ, “I gha rria okpẹvbo nii ikhi rhunmwuda a wọ emwa uhunmwu wa rrọọ.

Ezikiẹl 4:2

Ne a ya rhie ma wẹ, a khọn okuo vbọ, tọnnọ uvun lelẹe, kevbe ekẹn ne a tọẹn, kevbe agọ, okọ ne ọ gbe okọ ne ihua ẹre, ne ehia lẹga ẹre.

Iyẹn ne ọ Maan Ọghe Luk 19:43

Ghe, ẹdẹ ne u gha vba vbe egbe dee, avbe eghian ruan gha gbe odin lẹga ruẹ, iran ghi ke uẹ ye ako, iran ghi hẹ rhu uẹ vbe igienenẹ.