II Samuẹl 20:14 - Edo Bible (E Baibol Ẹdo) Version 1996

¹⁴ E Siẹba keghi lẹ le otọ ẹwae ni rre Izrẹl hia, ọ keghi do sẹ ẹvbo Ebel Bẹt Maaka, ẹgbẹe Bikri kevbe lele ẹe la adesẹ ore ẹvbo.

II Samuẹl 20:14 ပူးပေါင်းရင်းမြစ်များ

II Samuẹl 20:13

Iran ghi mu ikun ẹnrẹn hin odẹ rre, emwa hia keghi lele Joab gha khu Siẹba khian.

II Samuẹl 20:15

Emwa e Joab keghi rre, iran na ye igbinna yan e Siẹba vbe ore ẹvbo, iran keghi ye ekẹn ru utete ne a la hin ekẹn nii ye ihe eso vbe ore. Iran kevbe tọn ekẹn nii ẹzi ne ọ miẹn ehe na de.

I Ọba 15:20

E Benhadad ne ọba keghi gele kue yọ vbene Asa kha re, ọ keghi gie ọkaokuo ẹre kevbe ivbi iyokuo ẹre ne iran mu igbinna gha rrie Izrẹl. Iran khọn Ijon muotọ, Dan, kevbe Ebel Bẹt Maaka, ne ọ rre otọe hia ni rre ọkpẹn e Galili, ya deba otọe Naftali hia.

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Krọnikol 16:4

E Benhadad keghi gele kue yọ zẹ vbene Asa tama rẹn, ọ na gie avbe ekaokuo ẹre kevbe ivbiyokuo iran, ne iran ya khọn avbe ẹvbo ni rre Izrẹl. Iran keghi khọn mu Ijọn, Dan, Ebel Bẹt Maaka, kevbe avbe okpẹvbo ni rre Naftali ehe ne iran viọ evbare yi.

Nọmbas 21:16

Evba nii ọre iran ke kpao gha rrie ehe ne a tie ẹre Uhae, ehe ne Nọyaẹnmwa na tama e Mosis wẹẹ, “Sii avbe emwa ni koko, I gha sa amẹ ne iran wọn.”

Jọsua 18:25

Ena ke ye vbe rrọọ, Gibiọn, Rama, Biẹrot,