II Samuẹl 20:1 - Edo Bible (E Baibol Ẹdo) Version 1996

¹ A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 20:1 ပူးပေါင်းရင်းမြစ်များ

Gẹnẹsis 46:21

Ivbi e Bẹnjamin kegha re Bẹla, Bẹkia, Asbẹl, Gera, Naaman, Ẹhi, Ros, Mupim, Hupim kevbe Ad.

II Samuẹl 15:10

Sokpan, ọ keghi gie ya tama ẹwae ni rre Izrẹl hia wẹẹ, “Wa gha họn vbe a kpe okpe, wa ghi kha wẹẹ, ‘Absalọm rriọba nẹ vbe Hibrọn!’ ”

II Samuẹl 16:11

Ẹre Devid na tama Abisiai kevbe avbe ekhaẹmwẹ ọnrẹn hia wẹẹ, “Ovbi imẹ wẹ rẹn ra gbe mwẹ uan, vbọzẹ ne ẹmwẹ ovbi e Bẹnjamin na, na yan uwa unuan yi? Wa sẹ ọe rae ne uwa gie ẹe gha rhovbiẹ mwẹ, rhunmwuda, e Nọyaẹnmwa ọ re ọ gie ẹe.

II Samuẹl 16:7

E Simẹi keghi ya ihẹn yan rẹn, ọ wẹẹ, “Ladian mwa! Ladian mwa! Izigha! Ọrhiaẹvbo!

II Samuẹl 18:17

Iran keghi mu ikun Absalọm, iran na mu ẹẹn fi uwu uvun ne ọ dinmwi vbe uwu ẹgbo, iran na silo okuta ọrhẹnrhẹn ranrẹn. Ivbi Izrẹl hia keghi lẹ kua, dọmwadẹ ọghọe ghe owa ẹre.

II Samuẹl 20:2

Ẹre ivbi Izrẹl na fi iyeke gbe Devid, iran na lele Siẹba. Sokpan ivbi e Juda ma fi ekhọe werriẹ, iran keghi lele Devid ke Jọdan gha dee do sẹ e Jerusalẹm.

II Samuẹl 20:22

Okhuo nii keghi mu iro nii gie ẹvbo. Iran na fian Siẹba uhunmwu, iran na fiẹe la uhunmwu ekẹn gie Joab, rẹn keghi kpe okpe, emwa rẹn hia keghi kpao vbe ẹvbo nii rre, iran na gha rrie. Ẹre Joab na dọlegbe bu ọba gha rrie Jerusalẹm.

II Samuẹl 23:6

Sokpan, emwa dan yevbe igban ne a hẹ kua, ọmwa rhọkpa i sẹtin ya obọ kan rẹn,

I Ọba 12:16

Emwa ni ghi rẹn nẹ wẹ ọba i ra zẹ ye iran re. Iran keghi datu wẹẹ, “De ne ọ kan mwa vbe ẹmwẹ Devid yi! Ugbẹn ne ọ mu ovbi e Jese, ma mu mwa. Ivbi Izrẹl, edọmwadẹ ọghọe gha rrie owa ẹre. Ghe owa e Devid ne erha ne u tọn mu.” Ẹre emwa Izrẹl na sọtẹ,

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

II Krọnikol 10:16

Emwa ni ghi miẹn wẹ ọba ma zẹdẹ zẹ ye iran re, iran keghi datu wẹ, wa sẹ e Devid kevbe ẹgbẹe ọ re rae. De emwi ne iran he ru ne ima ẹdẹ yi? Wa gie ima gha rrie o ivbi Izrẹl! Ne Rehoboam gha do ọghe enegbe ẹre khian. Erriọ ọre ivbi Izrẹl na sọtẹ.

II Krọnikol 10:6

E Rehoboam ne ọba keghi mu ẹmwẹ na ma avbe eniwanrẹn, iran ni gha gu e Solomọn ne erha ẹe zẹ iro wẹẹ, “De ewanniẹn ne uwa wẹ ne I rhie ne iran na?”

Psalm 17:13

Gha dee, Nọyaẹnmwa, gu avbe eghian mwẹ gbinna, ne u khọn miẹn iran otọ, ya umozo ruẹ fan mwẹ hin obọ iran, ne emwa dan;

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Itan 25:8

Ghẹ gha rhulẹ yo iko ba ẹmwẹ emwi ne arọ ruẹ sẹe. Adeghẹ osẹe ọvbehe ghi do rhan otọ ẹre, a na ghi do miẹn wẹ ohoghe ọ re u ta vbo, vbua ghi ra ru hẹ?

Itan 26:21

Ogiọnmwẹ erhẹn ọ re ọ ye erhẹn viẹn kpoo, erhan ọ re ọ ye erhẹn gha ba gidigidi, avbe ọgbẹti ọ re ẹ i gie imuamwẹ fo vbotọ.

Iyẹn ne ọ Maan Ọghe Mak 3:24

A deghẹ ẹvbo ọkpa gha egbe ye otu otu gha gu egbe khọn, te ẹvbo nii ra zagha a.

Iyẹn ne ọ Maan Ọghe Luk 19:14

Emwa ẹvbo ẹre i ho ẹmwẹ ọnrẹn, rhunmwuda ọnii, iran keghi zẹ ọrhẹ lelẹe ne iran ya kha wẹ, ‘Ma i ho ne okpia nii rrie egie yan ima.’

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”

Iyẹn ne ọ Maan Ọghe Jọn 13:8

Pita keghi tua unu mu ẹn wẹ, “Ẹghẹ ọkpa i rrọ ne u gha ya kpe mwẹ owẹ!” Jesu tama rẹn wẹ, “A deghẹ, mẹ ma kpuẹ owẹ, u i sẹtin gha re ọrhuanegbe mwẹ.”

Diuteronomi 13:13

Wẹ emwa oya eso vbe ẹvbo uwa bibi emwa ẹvbo ne iran ye odẹ, ne iran ya gha gho ẹbọ ne uwa ma he gho ẹdẹ.

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 3:27

Ọ ghi sẹ evba, ọ keghi kpe okpe vbe uhunmwu oke Ifreim ne ọ ya tie ivbi Izrẹl gha die okuo, ọ na ke uhunmwu oke ke odaro ne iran.

Ebe Rut 2:3

Ẹre e Rut na gha rrie ugbo, ọ na ya gha rhọ ẹre lele iran ni rhọ emwiokọ ni odieke khian. Emwi ghi wa vbe ho aro, ugbo ọghe Boaz ne ọtẹn Ẹlimẹlẹk ọ re ọ vbe gha rrie.

I Samuẹl 13:2

E Sọl keghi viọ arriaisẹn eha vbe ivbi Izrẹl, ọ na wẹ ne enekpa gha rrie owa. Ọ keghi viọ arriaisẹn eva ke egbe vbe Mikmas kevbe Bẹtẹl ne ẹvbo uhunmwu oke, arriaisẹn ọkpa na vbe gha gu e Jonatan ne ovbi ẹre vbe Gibea vbe otọe ẹwae Bẹnjamin.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa

I Samuẹl 30:22

Sokpan emwa oya ne ẹwobi eso ni lele Devid yo keghi kha wẹẹ, “Iran ma lele ima yo, rhunmwuda ọnii ma i ghae ne iran vbe emwi ne obọ ima vbare, iran sẹtin viọ amwẹ iran kevbe ivbi iran ne iran gha rrie.”