II Samuẹl 2:4 - Edo Bible (E Baibol Ẹdo) Version 1996

⁴ Ẹre ivbie Juda na gha die Hibrọn, iran na ma Devid ọba ọghe Juda. Ugbẹn vbe Devid ghi họn ighẹ ivbi ẹvbo Jabẹs ne Giliad re orinmwi e Sọl nẹ,

II Samuẹl 2:4 ပူးပေါင်းရင်းမြစ်များ

II Samuẹl 19:11

E Devid ne Ọba keghi họn ẹmwẹ ne avbe ivbi Izrẹl ta. Ọ keghi rhunmwuda ọnii gie Zadọk kevbe Abiata ne ohẹn, ne iran ya tama avbe ọkaolotu e Juda wẹẹ, “Vbe a na miẹn hẹ yi wẹ wa ọ re ọ ghi ra gha re okiekie vbe uwu ehia ne ọ gha ru iyobọ ne a ya dọlegbe rhie ọba gha die ẹguae ẹre.

II Samuẹl 19:42

Ivbi e Juda wanniẹn wẹẹ, “Ma ru ẹe rhunmwuda, ovbi ima ọ re ọba khin. De ne uwa ghi mu ohu yi vbọ yi? Ọ ghọ ima yọ ra, ra ọ rhie emwi rhọkpa ne ima?”

II Samuẹl 2:11

Rẹn keghi vbe ya ukpo ihinrọn vbe ukhiọnmwẹ gha khaemwisẹ yan iran vbe Hibrọn.

II Samuẹl 2:7

Wa ghi wegbe ne uwa vbe din. E Sọl ne ọba uwa wu nẹ nian, ivbi e Juda vbe ma mwẹ ọba iran.”

II Samuẹl 21:11

Ugbẹn vbe Devid ghi họn emwi ne Rizpa ru, ọ kegha rrie Jabẹs ne Giliad,

II Samuẹl 21:12

ọ na ya miẹn iran ugboloko e Sọl kevbe Jonatan ne ovbi ẹre. (Adesẹ ughe ọghe Bẹt-Sian ọ re iran na ya viọ ikun iran, vbe ehe ne emwa e Filistin silo iran rrọ yi vbe ẹdẹ ne iran gbe Sọl vbe uhunmwu oke Giboa.)

II Samuẹl 5:17

Ivbi e Filistin keghi họn ighẹ a ma e Devid ọba Izrẹl, iran hia keghi ladian ne iran ya mu ẹre oghunmwu. E Devid ghi họn, ọ na gha rrie odin ẹvbo.

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

II Samuẹl 5:5

Ọ keghi ya ukpo ihinrọn vbe ukhiọnmwẹ rriọba yan Juda vbe Hibrọn, ọ keghi vbe ya ukpo eha-yan ọgban rriọba yan ivbi Izrẹl vbe Jerusalẹm.

II Ọba 11:12

Ẹre Jehoiada na rhie Joas ladian, ọ keghi mu ẹde ye ọre uhunmwu, ọ na rhie ọkpa ne ẹẹn vbe uwu ebe ọghe vbene ọba yin hẹ. Ẹre a na sa ori ye Joas uhunmwu, a na ma ẹre ọba. Emwa hia keghi kpe obọ, iran were tii kha wẹẹ, “Ọba gha tọ, ọ kpẹre!”

I Krọnikol 10:11

Ugbẹn vbe ivbi e Gebẹs ne Giliad ghi họn vbene ivbi e Filistin ru e Sọl hẹ,

I Krọnikol 11:3

Rhunmwuda ọnii, avbe ekaolotu ivbi Izrẹl hia keghi bu e Devid gha die Hibrọn, ọ na yo ulamwẹ ne iran, iran tue ori ye ọre uhunmwu iran keghi ma ẹre ọba Izrẹl zẹ vbene Nọyaẹnmwa la unu e Samuẹl tae zẹẹ.

I Krọnikol 12:23

Ẹghẹ ne Devid na gha rre Hibrọn, ivbiyokuo ne a ma ẹre emwi ni bun ọre ọ ya deba ẹre ne iran ru iyobọ ya ma ẹre ọba zẹ vbene Nọyaẹnmwa tae ye otọ. Avbe iran ni ọ re ena khin: E Juda: arhin uri i rrọ vbe arriaisẹn ihinrọn (6,800) ni mwẹ emwi igbinna ọghe asa kevbe asoro. E Simiọn: arhin iyisẹn yan arriaisẹn ihinrọn (7,100) ne a ma ẹre emwi ẹsẹse; E Livai: arhin arria eha yan arriaisẹn enẹ (4,600); Ivbi uniẹn Errọn ni lele Jehoiada: iyisen yan arriaeha yan arriaisẹn eha (3,700); Etẹn e Zadọk ne ọmọ ne igbinna gua ẹre obọ ro kegha re arhin eva yan ugie (22) nihiunsi; Bẹnjamin (uniẹn e Sọl tobọre): arhin arriaisẹn eha (3,000). Iran nibun sẹ vbe Bẹnjamin ọ re ọ wa yegbe ba e Sọl; Ifreim: arria enẹ yan arriaisẹn ugie (20,800) ni wa hin usi vbe ẹwae iran; E Manasẹ ne orrie: arhin arriaisẹn evairrọ vbe ugie (18,000) ne a zẹe ne iran ya ma Devid ọba. Isaka: Ekaolotu uri (200) deba emwa ni rre ototọ asẹ iran (avbe ekaolotu na rẹn emwi ne ọ kere ne Izrẹl ru ke ẹghẹ ne ọ ke yi ne a ya ruẹe;) E Zebulọn: arhin arriaisẹn ekigbe siyeha (50,000) emwa ni gie a ya egbe yan kevbe ni mu egbe vbe ẹghẹ hia ni iran ya gbinna, emwa ne a ma ẹre emwi vbene a lo emwi igbinna ne ọ rhirhi a gha khin hẹ; E Naftali: avbe ekaolotu arriaisẹn (1,000) do deba arhin arriaisẹn ehairrọ vbe iyeva (37,000) ne a viọ emwi igbinna asa kevbe asoro na; E Dan: arhin arriaeha yan arriaisẹn evairrọ vbe ọgban (28,600) ne a ma ẹre emwi; Asia: arhin arriaisẹn iyeva (40,000) ni mu egbe ne iran ya gbinna vbe okuo. Ẹwae ni rre odẹ ahọ e Jọdan kegha re Riubẹn, e Gad kevbe Manasẹ ne odẹ Ahọ: Arhin arriaisẹn iyehan (120,000) ne a ma ẹre vbene a lo emwi igbinna ne ọ rhirhi gha khin hẹ.

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.