II Samuẹl 2:32 - Edo Bible (E Baibol Ẹdo) Version 1996

³² E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

II Samuẹl 2:32 ပူးပေါင်းရင်းမြစ်များ

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

Gẹnẹsis 47:30

I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

II Samuẹl 2:31

Emwa e Devid keghi gbele arhin iyerẹnrẹn yan uri (360) vbe ivbi ẹwae Bẹnjamin ne emwa Abna.

II Samuẹl 5:1

Ewae ni rre Izrẹl hia keghi bu e Devid gha die Hibrọn, iran tama rẹn wẹẹ, “Esagiẹn ọkpa ma khin.

II Krọnikol 16:14

A na re ẹre ye idin ne ọ fian ye uwu okuta ne egbe ẹre vbe Ẹvbo e Devid. Iran keghi ya avbe ọmọ erhan kevbe ori ni winhin wo ẹre egbe wa ẹre ye ukpo, iran keghi hie ogidi erhẹn nọkhua ya ru akhiẹ ne ẹẹn.

II Krọnikol 21:1

E Jehosiafat keghi wu, a na re ẹre ye idin avbe ọba vbe Ẹvbo e Devid, e Jehoram ne ovbi ẹre keghi rriọba lele ẹe.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Giọgis 8:32

E Gidiọn ne ovbi Joas keghi wu vbe ọ wa khian ọmaẹn nẹ ẹsẹse. A keghi re ẹre ye idin Joas ne erha ẹe vbe Ọfra ne ọ rre ẹwae Abiẹzẹ.

I Samuẹl 17:58

E Sọl keghi nọ rẹn wẹẹ, “Ọmọ okpia, ovbi ao u khin.” E Devid keghi wanniẹn wẹẹ, “Ovbi ọguọmwadia ruẹ ighẹ Jese ne ovbi e Bẹtlẹhẹm ọre I khin.”