II Samuẹl 2:22 - Edo Bible (E Baibol Ẹdo) Version 1996

²² Abna keghi dọlegbe tama rẹn wẹẹ, “Ghẹ ghi khu mwẹ. Te u ho ne I gbe uẹ ua ra? Vbe a ra na ọnii ighẹ iyẹn ma e Joab ne ọtuẹn hẹẹ?”

II Samuẹl 2:22 ပူးပေါင်းရင်းမြစ်များ

II Samuẹl 2:21

Abna keghi wanniẹn tama rẹn wẹẹ, “Werriegbe, ne u ghẹ ghi khu mwẹ, khu ovbiyokuo ọkpa ne u viọ emwi ne ọ mwẹ.” Sokpan, Asahẹl keghi ye gha khu ẹe khian.

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Asan-Ibo 6:10

Emwi hia ni sunu, ọ kpẹre ne a ghi mwamwa ẹn yotọ, ma tobọ mwa rẹnrẹn wẹ ọmwa i sẹtin gu ọmwa ne ọ wegbe sẹ ọre muan ẹmwẹ.

I Samuẹl 19:17

E Sọl keghi nọ Mikal wẹẹ, “Vbọzẹ ne u na ya mwẹ do ogboi rua vbe nian yi ne u na gie oghian mwẹ lẹ fe?” Rẹn keghi wanniẹn wẹẹ, “Rẹn tama mwẹ wẹ rẹn gha gbe mwẹ uan a deghẹ I ma yi rẹn obọ ne irẹn ya lẹfua.”