II Samuẹl 19:7 - Edo Bible (E Baibol Ẹdo) Version 1996

⁷ Banbanna nian, ya dọlegbe rhie ẹtin ye emwa ruẹn iwu. Ne I tama ruẹn, a deghẹ u ma ru vberriọ, I ye eni e Nọyaẹnmwa vẹn ihẹn wẹ, vbe owiẹ ne a khuẹ, u i ghi ra miẹn orhiọnkpa ne ọ gha ye gha rre esa ọwuẹ. Ọnii ọ khian gha re emwi ne ọ wegbe sẹ vbe emwi ne u he miẹn vbe ẹdẹ agbọn ruẹn.”

II Samuẹl 19:7 ပူးပေါင်းရင်းမြစ်များ

Gẹnẹsis 34:3

Sokpan ẹmwẹ ọmọ okhuo na keghi yẹ ọre, rhunmwuda ose ẹre, ọ keghi suẹn gha ho ne ọ wa rhie ẹre rọnmwẹ.

II Samuẹl 19:6

Iran ni ho ẹmwẹ ruẹn ọ re u gu khọn, u ghi gha yi iran ni khuiwu ruẹ ike. U wa rhie ma nian wẹ avbe ekhaẹmwẹ kevbe emwa ruẹn ma sẹ emwi rhọkpa vbe aro ruẹ. I miẹn ọẹn nian wẹ, akpawẹ te ima hia wulo sokpan Absalọm na gha rre agbọn, ọyẹnmwẹ gha sẹ ue.

Itan 14:28

Vbene emwa ne ọba kha yan ya bun, ọ re irẹn vbe ya kpolo; vbene iran i na rrọ, rẹn i re emwirhọkpa.

Itan 19:15

Mu aro yọ ne u gha si oroho khian, gha vbiẹ, sokpan, ohanmwẹ gha fi ẹkun leluẹ.

Aizaia 40:1

Erriọ Nọyaẹnmwa khare, “Wa fu avbe emwa mwẹ ẹko rre. Wa fu iran ẹko rre!

Hozia 2:14

Rhunmwuda ọnii, I ra dọlegbe rhie ẹre la uwu ato, odọ niii ọ re I gha na rhẹrhọe ne I ye ẹmwẹ ahoẹmwọmwa giee werriegbe gha mwẹ aho ghe mwẹ.