II Samuẹl 19:6 - Edo Bible (E Baibol Ẹdo) Version 1996

⁶ Iran ni ho ẹmwẹ ruẹn ọ re u gu khọn, u ghi gha yi iran ni khuiwu ruẹ ike. U wa rhie ma nian wẹ avbe ekhaẹmwẹ kevbe emwa ruẹn ma sẹ emwi rhọkpa vbe aro ruẹ. I miẹn ọẹn nian wẹ, akpawẹ te ima hia wulo sokpan Absalọm na gha rre agbọn, ọyẹnmwẹ gha sẹ ue.

II Samuẹl 19:6 ပူးပေါင်းရင်းမြစ်များ

II Samuẹl 19:5

E Joab keghi bu ọba gha rrie owa ẹre, ọ keghi tama rẹn wẹẹ, “Te uwa mu emwa ruẹn gbe otọ ẹrẹna, avbe emwa ni zẹe ighẹ u ma wu kevbe avbe ivbi uẹ ni ikpia avbe amwọọn kevbe avbe egbakhian ruẹn.

II Samuẹl 19:7

Banbanna nian, ya dọlegbe rhie ẹtin ye emwa ruẹn iwu. Ne I tama ruẹn, a deghẹ u ma ru vberriọ, I ye eni e Nọyaẹnmwa vẹn ihẹn wẹ, vbe owiẹ ne a khuẹ, u i ghi ra miẹn orhiọnkpa ne ọ gha ye gha rre esa ọwuẹ. Ọnii ọ khian gha re emwi ne ọ wegbe sẹ vbe emwi ne u he miẹn vbe ẹdẹ agbọn ruẹn.”

Job 34:18

Osanobua ghi gha bu abe gbe avbe ọba kevbe iran ne irriegie, vbe iran a gha re ẹwobi kevbe emwa dan.

Iwinna 23:5

Pọl wanniẹn wẹ, “Etẹn, I ma rẹn ighẹ Ogie Ohẹn nọ. Rhunmwuda Ebe tae nẹ wẹ, ‘Ohan igie uwẹ ye unu sakan ọmwa ne ọ khaemwisẹ yan emwa ruẹn.’ ”