II Samuẹl 19:41 - Edo Bible (E Baibol Ẹdo) Version 1996

⁴¹ Ẹre ivbi Izrẹl hia na bu ọba gha khian, iran tama rẹn wẹẹ, “U gha tọ u kpẹre Umogun, vbọzẹ ne etẹn ima ighẹ ivbi e Juda na rhie ruẹ kpao, iran na su uwẹ kevbe ẹgbẹe ruẹ kevbe emwa ruẹ fian e Jọdan rra?”

II Samuẹl 19:41 ပူးပေါင်းရင်းမြစ်များ

II Samuẹl 19:11

E Devid ne Ọba keghi họn ẹmwẹ ne avbe ivbi Izrẹl ta. Ọ keghi rhunmwuda ọnii gie Zadọk kevbe Abiata ne ohẹn, ne iran ya tama avbe ọkaolotu e Juda wẹẹ, “Vbe a na miẹn hẹ yi wẹ wa ọ re ọ ghi ra gha re okiekie vbe uwu ehia ne ọ gha ru iyobọ ne a ya dọlegbe rhie ọba gha die ẹguae ẹre.

II Samuẹl 19:12

Wa ọrọre etẹn mwẹ, esagiẹn ọkpa, kevbe efun mwẹ, vbe uwa ghi na re emwa okiekie hẹ ne ọ gha dọlegbe rhie mwẹ gha di owa.”

II Samuẹl 19:3

Iran keghi ba la ẹvbo huẹẹ, zẹ vbe ivbiyokuo ne ekhue mu, rhunmwuda ighẹ te iran lẹkua vbe okuo.

Giọgis 12:1

A keghi tie ivbi Ifreim ladian, I iran na fian Ẹzẹ Jọdan rra la Zafọn, iran na tama Jẹfta wẹẹ, “Vbe u a na rhie gberra ya khọn ivbi Amọn hẹ yi vbe ne u ma na tie ima? Te ima ra giẹn owa na yan ruẹn uhunmwu!”

Giọgis 8:1

Ivbi Ifreim keghi tama e Gidiọn wẹẹ, “Vbọzẹ ne u ma na tie ima yi vbe u ra khọn ivbi Midian? Vbe u a na ru ima vberriọ hẹẹ?” Iran keghi kakabọ gui yọ ẹsẹse.