II Samuẹl 19:37 - Edo Bible (E Baibol Ẹdo) Version 1996

³⁷ U ghi gun mwẹ dọlegbe gha rrie owa ne I ya wu vbe ehe ne ọ diake idin avbe evbibiẹ mwẹ. Ghe ovbi mwẹ ighẹ Kimham rhie ẹre mwẹ obọ gha khian Umogun, ne ọ gha ga a, u ghi ru emwi ne ọ ghi yẹ ruẹ ne ẹẹn.”

II Samuẹl 19:37 ပူးပေါင်းရင်းမြစ်များ

Gẹnẹsis 47:30

I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

Gẹnẹsis 48:21

E Jekọb keghi tama e Josẹf wẹẹ, “Ghe, ẹghẹ uwu mwẹ sikẹ otọ fo. Sokpan Osanobua gha yaba ruẹ, ọ ghi vbe dọlegbe rhie ruẹ gha die otọe avbe erha a odede.

Gẹnẹsis 50:13

Iran keghi muẹn gha rrie Kenan, irran na ya rre ẹre ye uvun okuta vbe ako oha vbe Makpẹla vbe odẹ ọlarre ovẹn Mamrẹ, ne Ebraham gu Efrọn ne ọmwa Hiti dẹ ne a gha re orinmwi yọ.

II Samuẹl 19:36

Ẹse ne a san ọmwa ẹre vberriọ, ma khẹ ke mwẹ. Rhunmwuda ọnii, I gha sẹ uẹ gberra e Jọdan kherhe.

II Samuẹl 19:38

Ọba keghi wanniẹn wẹ, “I gha rhie ẹre gha khian, I ghi vbe ru emwi ne uwẹ rhirhi gha ho ne ẹẹn. I gha ru emwi ne uwẹ rhirhi nọ ne uẹn.”

II Samuẹl 19:40

Ivbi e Juda kevbe obọkpa vbe ivbi Izrẹl ghi su ọba gberra Ẹzẹ Jọdan nẹ, ọ kegha rrie Gilgal, e Kimham keghi lele ẹe gha khian.

I Ọba 13:22

sokpan u na werriegbe ya rrie evbare vbe ehe ne ọ tama ruẹn wẹ ne u ghẹ na rri evbare, iran gha gbe uẹ ua, a i ra vbe re ruẹ ye idin ẹgbẹe ruẹ.”

I Ọba 2:7

“U ghi tohan ivbi e Bazilai ni ke Giliad rre, u ghi gha gbe aro ghe iran, rhunmwuda, iran tohan mwẹ vbe ẹghẹ ne I na gha lẹ ne ọtuẹn ighẹ Absalọm.

I Ọba 4:5

Ọka avbe ogie isi: Azaraia ne ovbi e Natan. Iguọbaziro: ohẹn ighẹ Zabuk ne ovbi e Natan.

Jerimaia 41:17

Ohan ivbi e Babilọn kegha mu iran rhunmwuda Ismaẹl gbe ẹe rua ighe Gedalaia ne ọba e Babilọn ya maa enọkhaemwisẹ ye otọe nii rhunmwuda ọnii, iran keghi ya gbe odẹ Igipt ne iran miẹn ehe na lẹ fe vbe obọ ivbi e Babilọn. Iran ghi khian nii, iran keghi yakọ vbe Kimham vbe ọkpẹn e Bẹtlẹhẹm.

II Timoti 4:6

Zẹ vbe ọghomwẹ, ẹghẹ ne a ra na ya mwẹ zọ ese, sẹ nẹ nian, ẹghẹ sẹ nẹ ne I ra ya fi agbọn na ye otọ.

Jọsua 23:14

“Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.

II Pita 1:14

Rhunmwuda, mẹ rẹnrẹn wẹ, vbe ọ ma he kpẹe wan, I gha ban egbe ne ọ sẹtin wu na mu fua, zẹ vbene Nọyaẹnmwa Kristi ta ma mwẹ sẹsẹsẹ.