II Samuẹl 19:33 - Edo Bible (E Baibol Ẹdo) Version 1996

³³ Ọba keghi tama rẹn wẹẹ, “Lele mwẹ gha rrie Jerusalẹm, I gha gbe aro ghe ruẹ.”

II Samuẹl 19:33 ပူးပေါင်းရင်းမြစ်များ

II Samuẹl 17:27

Ugbẹn vbe Devid ghi sẹ Mahanem, Siobi ne ovbi e Nahas ne ovbi ẹvbo ne a tie ẹre Raba vbe Amọn, kevbe Makiẹ ne ovbi Amiẹl ne ovbi ẹvbo ne a tie ẹre Lodeba, kevbe Bazilai ne ovbi ẹvbo ne a tie ẹre Rogelim vbe Giliad, keghi bu ẹre rre.

II Samuẹl 19:32

E Bazilai keghi re ọmwa ne ọ khian ọmaẹn ẹsẹse. Ukpo iyenẹ ọ re ọ gha ye, ọ vbe fe ẹsẹse. Ọ kegha viọ evbare gie ọba ẹghẹ ne ọ na gha rre Mahanem.

II Samuẹl 19:34

Sokpan, e Bazilai keghi wanniẹn, “Odẹ ehe ne I rrie ọ re ọ ghi ke ẹe sẹ, vbọzẹ ne I gha na lele uẹ gha rrie Jerusalẹm, Umogun?

II Samuẹl 9:11

E Ziba keghi wanniẹn wẹẹ, “I gha ru vbene u khare hia Umogun.” Erriọ a na miẹn wẹ, eteburu ọba ọre Mẹfibosiẹt na gha rri evbare zẹ vbe ọkpa vbe uwu avbe ivbi ọba.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.