II Samuẹl 19:28 - Edo Bible (E Baibol Ẹdo) Version 1996

²⁸ Te ọ te khẹke nu u gbele ẹgbẹe erha mwẹ hia, Umogun sokpan, u keghi ye ru mwẹ ẹse wẹ ne I do gha rri evbare vbe eteburu ruẹ. Ọ ma ghi khẹke mwẹ ne I ye vbu emwi vbe obọ ruẹ Umogun.”

II Samuẹl 19:28 ပူးပေါင်းရင်းမြစ်များ

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

II Samuẹl 14:17

I keghi tama egbe mwẹ wẹ, eyan ne uwẹ yan rẹn gha degue mwẹ, enọwanrẹn, rhunmwuda te ọba ye vbe odibo Osanobua, ọ vbe rẹn emwi ne ọ maa, hin ne ẹ i maa rre. Te Nọyaẹnmwa ne Osanobua ruẹ gha yaba ruẹ!”

II Samuẹl 14:20

Sokpan te ọ ru ẹe ne ọ ya dọlọ ẹmwẹ na hia yi. Te u ye vbe odibo Osanobua Umogun, u kevbe rẹn otọ emwi hia, ni sunu.”

II Samuẹl 15:26

Sokpan, adeghẹ ẹmwẹ mwẹ ma ghi ye ọre, ọ maa, wẹ ne ọ ru mwẹ emwi ne ọ rre irẹn ekhọe.”

II Samuẹl 16:3

Ọba keghi kha wẹẹ, “E Mẹfibosiẹt ne eyẹ e Sọl ne arowa a vbo yi?” E Ziba keghi wanniẹn wẹẹ, “Ọ rre Jerusalẹm, rhunmwuda aro ẹre wa dae nẹ wẹ ivbi Izrẹl gha mu arriọba e Sọl ne erha ẹe odede ne ẹẹn.”

II Samuẹl 19:29

Ọba keghi wanniẹn wẹẹ, “Ghẹ ghi gbe agbanmwẹ, I ta ẹe nẹ wẹ ne uwẹ vbe Ziba gba ghae emwi e Sọl.”

II Samuẹl 9:10

Wẹ avbe ivbi uẹ ne ikpia kevbe eguọmwadia ruẹ, ghi gba gha gbe ugbo nii ne ẹgbẹe Sọl ne arowa, wa ghi vbe gha viọ emwiorhọ ẹre rrie owa ne iran miẹn evbare gha re. Sokpan, eteburu mwẹ ọ re Mẹfibosiẹt gha na gha rrie evbare vbe ẹghẹ hia.” (E Ziba keghi mwẹ emọ ikpia ekesugie kevbe eguọmwadia ugie.)

II Samuẹl 9:13

E Mẹfibosiẹt ne owẹ ọre eveva luẹluẹe, kegha rre Jerusalẹm, ọ na vbe gha rrie evbare ẹre hia vbe eteburu ọba.

II Ọba 8:3

Ukpo ihinrọn ghi gberra nẹ, rẹn keghi dọlegbe gha die Izrẹl, ọ keghi bu ọba gha khian ya nọ rẹn wẹ ne a mu owa irẹn kevbe otọe irẹn dọlegbe ne irẹn.

I Samuẹl 26:16

U ma sẹtin winna iwinna ruẹn Abna! I ye eni Nọyaẹnmwa nọ rrọọ vẹn ihẹn wẹ te ọ kere ne uwa hia wulo rhunmwuda, wa ma sẹtin gbearoghe arowa uwa ne Nọyaẹnmwa ma ẹre ọba. Ghe! Asoro ọba vboo? Ọgọ amẹ ne ọ mu ke uhunmwu vboo?”