II Samuẹl 19:21 - Edo Bible (E Baibol Ẹdo) Version 1996

²¹ Ẹre Abisiai ne ovbi e Zeruaia na ni urhu ladian wẹẹ, “Ọmwa ne a gbe ua ọre Simẹi khin rhunmwuda, ọ kpa unu ghe ọmwa ne Nọyaẹnmwa hannọ ne ọ gha re ọba.”

II Samuẹl 19:21 ပူးပေါင်းရင်းမြစ်များ

II Samuẹl 16:13

Ẹre Devid kevbe emwa rẹn na lele odẹ. E Simẹi na kpe lele iran, ọ na gha zẹ ebubẹ ku iran vbe ne ọ khian nii.

II Samuẹl 16:5

Ugbẹn vbe Devid ne ọba ghi sẹ Bahurim, ọtẹn e Sọl ọkpa ne a tie ẹre Simẹi ne ovbi e Gera, keghi bu ẹre gha dee, ọ na wa gha rhovbiẹ ọe vbene ọ wa ya dee nii.

II Samuẹl 16:9

Ẹre Abisiai ne ovbi e Zeruaia na tama ọba wẹẹ, “Umogun, vbọzẹ ne u na rhie ẹghẹ ne ovbiakota na ya gha rhovbiọ yi? Gun mwẹ bu ẹre ne I ya fian ẹre uhunmwu fua!”

Psalm 84:9

Osanobua, fiangbe ọba mwa Ọba ne uwẹ hannọ zẹ.

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Eve Orriara 4:20

Iran khọn mu uhunmwu uwa ẹdagbọn mwa, ọba ne Nọyaẹnmwa zẹe ọmwa ne imẹ ye aro khọ ighe ọ gha degue mwa hin obọ iran ni gunmwa khọn.

I Samuẹl 24:6

Ọ keghi tama emwa rẹn wẹẹ, “E Nọyaẹnmwa ghẹ gun mwẹ ru arowa mwẹ, ọmwa ne Nọyaẹnmwa ma re ọba, emwi rhọkpa. Ọ ma kei ne I ya obọ kan rẹn, rhunmwuda, ọba ne Nọyaẹnmwa zẹe nọ.”

I Samuẹl 26:9

Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”