II Samuẹl 19:19 - Edo Bible (E Baibol Ẹdo) Version 1996

¹⁹ Ọ wẹẹ, “U gha tọ u kpẹre Umogun, lahọ, rhie ekhọe hin a baku ru ne I ru vbe ẹdẹ ne u kpa vbe Jerusalẹm rre. Ghẹ ka ẹe yọ mwẹ owẹ ra ne u ye vbe rhie ẹre ye ekhọe.

II Samuẹl 19:19 ပူးပေါင်းရင်းမြစ်များ

II Samuẹl 13:20

Absalọm ne ọtiọnrẹn keghi nọ rẹn wẹẹ, “Te Amnọn yagha a ra? Ọtẹn mwẹ ghẹ gie ọmwa rhọkpa họn. Ẹre ovbi erha wa gba khin yi. Ghẹ vbe khiẹkhiẹ egbe yọ gbe.” Ẹre Tama na gha rre owa Absalọm, rẹn ọkpa vbe ẹhi ẹre, vbene ẹko ma na ghi rhiẹnrhiẹn ọẹn.

II Samuẹl 13:33

Rhunmwuda ọnii ghẹ yayi vbene u họẹn wẹ ivbi uẹ hia wulo, Amnọn ọkpa ọre iran gbe ua.”

II Samuẹl 19:18

Iran keghi fian ẹzẹ rra ne iran ya su ọba fian ẹzẹ rra, kevbe ne iran vbe gha ru emwi ne ọba rhirhi gha ho. Ọba ghi ra wa fian ẹzẹ rra, e Simẹi keghi mu ẹko rhu otọ vbe odaro ẹre.

Psalm 32:2

Afiangbe nọ ne ọmwa ne Nọyaẹnmwa ma ka abakuru ye ọre owẹ. Kevbe ne ẹi mwẹ erẹrẹ hiehiere.

Psalm 79:8

Ghẹ rri ima oya ye orukhọ avbe erha mwa odede, tohan mwa, egbe wọ ima nẹ.

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Nọmbas 12:11

Ọ keghi tama e Mosis wẹẹ, “Lahọ enọwanrẹn, ghẹ gie ima rrioya ye orukhọ akpa ne ima ru.

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

II Kọrinti 5:19

Ẹmwẹ ne ima ta ẹe ọrọre wẹ, te Osanobua ma ghi ka orukhọ iran ye iran owẹ, rẹn keghi tae ya gie ima uhunmwu ighẹ ẹmwẹ vbene irẹn ya ye iran khian esiọre hẹ.

I Samuẹl 22:15

Ọ na i ya suẹn gha gu Osanobua guan ne ẹẹn ra? Hiehiere! Umogun, ghẹ kha vberriọ wẹ mẹ ra ọmwaikọmwa vbe uwu ẹgbẹe mwẹ gualọ odẹ ne a gha la a re. I ma rẹn ọkpa I ma rẹn eva vbe ẹmwẹ na.”

I Samuẹl 25:25

Lahọ ghẹ zẹ ye Nabal re ighẹ ẹwobi ọmwa nii. Emwi ne a ya eni ẹnrẹn kha ọre gele wa nọ — akpa! I ma miẹn emwa ne u gie rre adazẹ.

I Samuẹl 26:21

E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”