II Samuẹl 19:18 - Edo Bible (E Baibol Ẹdo) Version 1996

¹⁸ Iran keghi fian ẹzẹ rra ne iran ya su ọba fian ẹzẹ rra, kevbe ne iran vbe gha ru emwi ne ọba rhirhi gha ho. Ọba ghi ra wa fian ẹzẹ rra, e Simẹi keghi mu ẹko rhu otọ vbe odaro ẹre.

II Samuẹl 19:18 ပူးပေါင်းရင်းမြစ်များ

II Samuẹl 19:17

Ọ keghi viọ arhin arriaisẹn (1,000) vbe ẹwae e Bẹnjamin ba egbe. E Ziba ne ọguọmwadia ẹgbẹe e Sọl, kevbe viọ ivbi ẹre ni ikpia ekesugie kevbe eguọmwadia ugie, iran keghi ka sẹ e Jọdan khẹ ọba.

II Samuẹl 19:19

Ọ wẹẹ, “U gha tọ u kpẹre Umogun, lahọ, rhie ekhọe hin a baku ru ne I ru vbe ẹdẹ ne u kpa vbe Jerusalẹm rre. Ghẹ ka ẹe yọ mwẹ owẹ ra ne u ye vbe rhie ẹre ye ekhọe.

II Samuẹl 19:30

E Mẹfibosiẹt keghi wanniẹn wẹẹ, “Gie Ziba kue wa viọ ehia, ẹko e ne uwẹ na werriegbe rri owa vbe ọfumwegbe na vuọn mwẹ Umogun.”

II Samuẹl 9:10

Wẹ avbe ivbi uẹ ne ikpia kevbe eguọmwadia ruẹ, ghi gba gha gbe ugbo nii ne ẹgbẹe Sọl ne arowa, wa ghi vbe gha viọ emwiorhọ ẹre rrie owa ne iran miẹn evbare gha re. Sokpan, eteburu mwẹ ọ re Mẹfibosiẹt gha na gha rrie evbare vbe ẹghẹ hia.” (E Ziba keghi mwẹ emọ ikpia ekesugie kevbe eguọmwadia ugie.)

II Samuẹl 9:2

Ọguọmwadia ẹgbẹe Sọl ọkpa ne a tie ẹre Ziba kegha rrọọ, iran na tama rẹn wẹ, ne ọ bu e Devid. Ọba keghi nọ rẹn wẹẹ, “Wẹ ọrọre Ziba ra?” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

I Ọba 2:8

“Vbe ye Simẹi rre ighẹ ovbi e Gera ne ovbi ẹvbo ne a tie ẹre Bahurim vbe Bẹnjamin. Ọ keghi ye ihẹn viẹ mwẹ agbọn ota agbọn owiẹ vbe ẹghẹ ne I na gha rrie Mahanem, sokpan, ọ ghi bu mwẹ sẹ Jọdan, I keghi yan ma rẹn wẹ I i ra gbe ẹe rua.

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Psalm 81:15

Ohan gha mu iran ni khuiwu mwẹ, iran gha do gha mu uhunmwu gbotọ mẹ. Irriakhi iran gha a rrọọ rhinrin ẹdẹ.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.

I Samuẹl 22:15

Ọ na i ya suẹn gha gu Osanobua guan ne ẹẹn ra? Hiehiere! Umogun, ghẹ kha vberriọ wẹ mẹ ra ọmwaikọmwa vbe uwu ẹgbẹe mwẹ gualọ odẹ ne a gha la a re. I ma rẹn ọkpa I ma rẹn eva vbe ẹmwẹ na.”