II Samuẹl 19:13 - Edo Bible (E Baibol Ẹdo) Version 1996

¹³ E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 19:13 ပူးပေါင်းရင်းမြစ်များ

Gẹnẹsis 29:14

E Leban keghi tama rẹn wẹẹ, “Erriọ nọ vbe ẹmwata ma i zẹdẹ re ehiyo.” E Jekọb keghi tota vbe evba la uki ọkpa.

II Samuẹl 17:25

(Absalọm keghi rhie Amasa ye ihe Joab zẹ vbe ọkaokuo. Amasa na kegha re ovbi e Jetẹ ne ọmwa Ismal. A kegha tie iye ẹe Abigẹl ne ovbi e Nahas ne ovbiye Zeruaia ne iye Joab.)

II Samuẹl 18:11

E Joab keghi wanniẹn wẹẹ. “U gele miẹn ọẹn, vbọzẹ ne u ma na gbe ẹe rua ye evba?” Me tobọ mwẹ gha viọ igho esiliva igbe ne uẹn deba ugbẹkun.

II Samuẹl 20:4

Ẹre ọba na tama Amasa wẹẹ, “Tie ivbi e Juda kugbe ne uwa vbe iran gba sẹ emwa na irakhuẹ.”

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Samuẹl 5:1

Ewae ni rre Izrẹl hia keghi bu e Devid gha die Hibrọn, iran tama rẹn wẹẹ, “Esagiẹn ọkpa ma khin.

II Samuẹl 8:16

E Joab ne ovbi e Zeruaia kegha re ọkaolotu ivbiyokuo; e Jehosiafat ne ovbi Ahilud, kegha re ọka isiẹnmwẹro.

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

Ebe Rut 1:17

Ehe ne u wu yi ọ re I gha vbe wu yi, evba ọ re a ra vbe re mwẹ yi. Te oya ne ọ ghi wegbe sẹ ne Nọyaẹnmwa rri ọmwa re gha hihiẹ yan mwẹ, a deghẹ I gie emwi ọvbehe ya mwẹ kpao sẹ uẹ rae vbe ẹ i re uwu!”