II Samuẹl 19:11 - Edo Bible (E Baibol Ẹdo) Version 1996

¹¹ E Devid ne Ọba keghi họn ẹmwẹ ne avbe ivbi Izrẹl ta. Ọ keghi rhunmwuda ọnii gie Zadọk kevbe Abiata ne ohẹn, ne iran ya tama avbe ọkaolotu e Juda wẹẹ, “Vbe a na miẹn hẹ yi wẹ wa ọ re ọ ghi ra gha re okiekie vbe uwu ehia ne ọ gha ru iyobọ ne a ya dọlegbe rhie ọba gha die ẹguae ẹre.

II Samuẹl 19:11 ပူးပေါင်းရင်းမြစ်များ

II Samuẹl 15:29

Ẹre Zadọk kevbe Abiata na mu Ẹkpẹti Ile werriegbe gha rrie Jerusalẹm iran na ya gha rre evba.

II Samuẹl 18:14

E Joab keghi wanniẹn wẹẹ, “I i ghi sẹtin guẹ rhọ eghẹrẹ vbe emwa na.” Ọ keghi viọ asoro eha, ọ na halọe ye Absalọm ẹwẹe, vbe ọ ma he ye wu vbe ehe ne ọ na khuakhua ye erhan nii.

II Samuẹl 18:15

Ẹre iran igbe vbe ivbiyokuo e Joab na sikẹ Absalọm, iran na gbe ẹe rua fo.

II Samuẹl 19:10

Ma ọ re ọ ma Absalọm ọba, sokpan, iran gbe ẹe rua vbe okuo. Vbọzẹ khekherriọ ne a ma na miẹn ọmwa ne ọ gha hia ne a rhie Devid ne ọba dọlegbe rre?”

II Samuẹl 19:41

Ẹre ivbi Izrẹl hia na bu ọba gha khian, iran tama rẹn wẹẹ, “U gha tọ u kpẹre Umogun, vbọzẹ ne etẹn ima ighẹ ivbi e Juda na rhie ruẹ kpao, iran na su uwẹ kevbe ẹgbẹe ruẹ kevbe emwa ruẹ fian e Jọdan rra?”

I Ọba 2:35

Ọba keghi ya Benaia ru ọkaokuo ye ihe ẹre, ọ na rhie Zadọk ne ohẹn ye ihe Abiata ne ohẹn.

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Tẹsalonaika 3:9

Ma ru vberriọ, ẹ i re rhunmwuda ighẹ ọ ma khẹ ke mwa ne ima ya gha miẹn eghọ vbe obọ uwa, te ima ru ẹe, ne ima miẹn ehe na gha re igiemwi ne uwa gha lele.