II Samuẹl 19:10 - Edo Bible (E Baibol Ẹdo) Version 1996

¹⁰ Ma ọ re ọ ma Absalọm ọba, sokpan, iran gbe ẹe rua vbe okuo. Vbọzẹ khekherriọ ne a ma na miẹn ọmwa ne ọ gha hia ne a rhie Devid ne ọba dọlegbe rre?”

II Samuẹl 19:10 ပူးပေါင်းရင်းမြစ်များ

II Samuẹl 15:14

Ẹre Devid na tama ekhaẹmwẹ ọnrẹn ni gue ẹe rre Jerusalẹm wẹẹ, “Te ima gha zẹgiẹgiẹ ladian ne a miẹn ehe na miẹn uhunmwu vbe obọ Absalọm. Ẹgiẹgiẹ, ne ọ ghẹ ya rre banbanna, obọ ẹre ghi ke ukhunmwu ne ima, ọ ghi gbele emwa hia ni rre ore ẹvbo ua.”

II Samuẹl 15:16

Ẹre ọba na kpao, ke ẹe kevbe ẹgbẹe ọre hia kevbe avbe ekhaẹmwẹ ọnrẹn, sokpan ama wẹ egbakhian igbe ne ọ sẹ rae ne iran gha gbe aro ghe owa.

II Samuẹl 18:14

E Joab keghi wanniẹn wẹẹ, “I i ghi sẹtin guẹ rhọ eghẹrẹ vbe emwa na.” Ọ keghi viọ asoro eha, ọ na halọe ye Absalọm ẹwẹe, vbe ọ ma he ye wu vbe ehe ne ọ na khuakhua ye erhan nii.

II Samuẹl 19:11

E Devid ne Ọba keghi họn ẹmwẹ ne avbe ivbi Izrẹl ta. Ọ keghi rhunmwuda ọnii gie Zadọk kevbe Abiata ne ohẹn, ne iran ya tama avbe ọkaolotu e Juda wẹẹ, “Vbe a na miẹn hẹ yi wẹ wa ọ re ọ ghi ra gha re okiekie vbe uwu ehia ne ọ gha ru iyobọ ne a ya dọlegbe rhie ọba gha die ẹguae ẹre.

II Samuẹl 19:40

Ivbi e Juda kevbe obọkpa vbe ivbi Izrẹl ghi su ọba gberra Ẹzẹ Jọdan nẹ, ọ kegha rrie Gilgal, e Kimham keghi lele ẹe gha khian.

II Samuẹl 19:9

Emwa hia kegha gui vbe ore ẹvbo ni hia wẹẹ, “E Devid ọ re ọ miẹn ima fan hin obọ avbe oghian mwa rre. Rẹn ọ re ọ fan mwa vbe obọ avbe Filistin, banbanna nian, ọ lẹ ne Absalọm, ọ kpao vbe ẹvbo rre.

Hozia 8:4

“Avbe emwa mwẹ zẹ ọba, sokpan, ọghe negbe iran ọ re iran ru, iran vbe zẹlẹ avbe ọkaolotu sokpan, ẹ i re ne imẹ kue yi. Iran viọ esiliva kevbe igoru iran, iran keghi mannọ ẹbọ ne iran ra ya fuan ne egbe iran.

Giọgis 18:9

Iran wanniẹn wẹẹ, “Giẹgiẹ, wa gia ya khọn Lais. Ma miẹn otọe vbe evba, ọ keghi wa vbe maa ẹsẹse. Wa ghẹ tota vbe emwa vbe na i na ru emwi rhọkpa, ẹgiẹgiẹ! Wa la rọ ne uwa ya mu ẹẹn.