II Samuẹl 19:1 - Edo Bible (E Baibol Ẹdo) Version 1996

¹ Iran keghi do tama e Joab wẹ e Devid gha viẹ, ọ vbe khiẹ ovbi ẹre ighẹ Absalọm.

II Samuẹl 19:1 ပူးပေါင်းရင်းမြစ်များ

Gẹnẹsis 37:35

Ivbi ẹre nikpia kevbe nikhuo hia keghi rre do gha fu ẹre ẹko rre, sokpan ọ he ne a fu irẹn ẹko rre, ọ wẹẹ, “Te I ra khiẹ ovbi mwẹ I te ya wu.” Rhunmwuda ọnii, ọ na gha khiẹ ovbi ẹre ighẹ Josẹf.

II Samuẹl 18:12

Sokpan, okpia nii keghi wanniẹn wẹẹ, “Ọ gha khọn ruẹn ne u viọ igho esiliva arriaisẹn mẹ, mẹ i ra kpa ikpi-nhianbọ mwẹ ya fi ovbi ọba emwi. Ma hia họẹn ẹghẹ ne ọba na gha yi iyi ne uwẹ kevbe Abisiai kevbe Itai wẹẹ, ‘Rhunmwuda mwẹ, wa ghẹ kuan ọmọ nii egbe.’

II Samuẹl 18:14

E Joab keghi wanniẹn wẹẹ, “I i ghi sẹtin guẹ rhọ eghẹrẹ vbe emwa na.” Ọ keghi viọ asoro eha, ọ na halọe ye Absalọm ẹwẹe, vbe ọ ma he ye wu vbe ehe ne ọ na khuakhua ye erhan nii.

II Samuẹl 18:20

E Joab keghi khama rẹn wẹẹ, “Ẹn o, ẹ i re ẹrẹ u gha ya na iyẹn oghọghọ. U sẹtin ru vberriọ ẹdẹ ọvbehe, sokpan ẹ i re ẹrẹna, rhunmwuda ovbi ọba wu.”

II Samuẹl 18:33

Akhiẹ keghi gba ọba ẹko ọ keghi la ughugha ne ọ rre iyeke onurho, ọ na viẹ. Vbene ọ khian nii, ọ kegha viẹ wẹẹ, “Ovbi mwẹ o, ovbi mwẹ, Absalọm, Absalọm ne ovbi mwẹ, mẹ ọ re uwu ne ọ gbuẹ gha te gbe, ovbi mwẹ, Absalọm ne ovbi mwẹ!”

II Samuẹl 18:5

Ọ keghi yi iyi ne Joab Abisiai kevbe Itai wẹẹ, “Rhunmwuda mwẹ, wa ghẹ kuan ọmọ nii ighẹ Absalọm?” Ivbiyokuo hia keghi họn vbe Devid yi iyi na ne avbe ọkaokuo hia.

II Samuẹl 19:2

A keghi miẹn wẹ, akhọnmiotọ keghi khian akhiẹ ne ivbiyokuo e Devid, rhunmwuda iran họẹn wẹ, e Devid gha khiẹ ovbi ẹre.

Itan 17:25

Ọmọ ne ọ kọẹn ghi gha si akhiẹ ye erha ẹe egbe, ọ ghi vbe gha ya ẹe ghe I ma rẹn ọghe ẹko orriara.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.