II Samuẹl 18:9 - Edo Bible (E Baibol Ẹdo) Version 1996

⁹ Absalọm keghi khian dekun emwa e Devid eso vbe udomwurri. Absalọm keghi hin ekẹtẹkẹtẹ khian, ugbẹn vbe ọ ghi la ototọ erhan ọwegbe khian, uhunmwu Absalọm keghi khuakhua ye abọ ẹre. Ekẹtẹkẹtẹ nii kegha rhulẹ khian vbene Absalọm na gha rre ideghedeghe vbe evba.

II Samuẹl 18:9 ပူးပေါင်းရင်းမြစ်များ

II Samuẹl 13:29

Avbe eguọmwadia nii keghi gbe Amnọn zẹ vbene Absalọm tama iran. Ivbi e Devid nekpa keghi hin ẹmila iran, iran na lẹ gha rrie.

II Samuẹl 14:26

Ọ kegha mwẹ eto ne o mu ma, uhukpa vbe ukpo ọre ọ gbe ẹe vbe ọ gha ghi tan gbe, ọ na gha khua. Ọ wa si uwan isẹn vbe ọmwa ne a ya mwa emwi ne ọba.

II Samuẹl 17:23

Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

II Samuẹl 18:10

Ọkpa vbe uwu emwa e Devid ghi miẹn ọẹn, ọ keghi ya tama Joab wẹẹ, “I miẹn Absalọm vbe ọ de rrọ ye erhan ọwegbe, enọwanrẹn.”

II Samuẹl 18:14

E Joab keghi wanniẹn wẹẹ, “I i ghi sẹtin guẹ rhọ eghẹrẹ vbe emwa na.” Ọ keghi viọ asoro eha, ọ na halọe ye Absalọm ẹwẹe, vbe ọ ma he ye wu vbe ehe ne ọ na khuakhua ye erhan nii.

II Samuẹl 18:8

Okuo ni na tughu gba oha nii hia, emwa ni wulo ye uwu ẹgbo keghi bun sẹ ne okuo gbele.

Job 31:3

Ọ ghi mu ọfuan kevbe ọrhiae, giẹ avbe emwa ni ru emwi dan.

Itan 20:20

U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Matiu 27:5

Judas keghi rhurhẹ igho nii ku otọ vbe Ogiukpo, ọ keghi sẹ ọe rae ye evba, ọ ghi ke evba kpao, ọ keghi ya zẹgbẹle.

Iyẹn ne ọ Maan Ọghe Mak 7:10

Rhunmwuda Mosis yi ẹre iyi wẹẹ, ‘Ya ọghọ ne erha kevbe iyuẹ,’ kevbe wẹ, ‘Ọmwa ne ọ rhirhi kpa unu ghe erha ẹe ra iye ẹe ne a gha gbe ẹe rua.’

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

Diuteronomi 21:23

a ghẹ gie ẹdẹ gbe ẹe ye evba, rhunmwuda ikun orinmwi ne a sirra ye erhan te ọ sọnnọ e Nọyaẹnmwa vbe ọ gha dẹ ghe ẹre. Wa ya re ikun orinmwi nii ne uwa ghẹ ya mu awua ye otọe nii ne Nọyaẹnmwa Osanobua rua ra mu ne uwa.”

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Diuteronomi 27:20

“ ‘Ihẹn Osanobua rre uhunmwu ọmwa ne ọ yagha erha ẹe vbe ekpa ne ọ na gu ne ọ rhirhi gha khin vbe uwu avbe amwẹ erha ẹe ru emwi ọdọ vbe amwẹ.’ “Emwa ni hia ghi kha wẹẹ, ‘Isẹ!’