II Samuẹl 18:8 - Edo Bible (E Baibol Ẹdo) Version 1996

⁸ Okuo ni na tughu gba oha nii hia, emwa ni wulo ye uwu ẹgbo keghi bun sẹ ne okuo gbele.

II Samuẹl 18:8 ပူးပေါင်းရင်းမြစ်များ

II Samuẹl 18:7

Obọ emwa e Devid keghi ke odukhunmwu ne ọghe ivbi Izrẹl, iran keghi gbele iran ugbemwẹ oya, vbene emwa ni wulo ẹdẹrriọ na gha re arriaisẹn ugie (20,000).

II Samuẹl 18:9

Absalọm keghi khian dekun emwa e Devid eso vbe udomwurri. Absalọm keghi hin ekẹtẹkẹtẹ khian, ugbẹn vbe ọ ghi la ototọ erhan ọwegbe khian, uhunmwu Absalọm keghi khuakhua ye abọ ẹre. Ekẹtẹkẹtẹ nii kegha rhulẹ khian vbene Absalọm na gha rre ideghedeghe vbe evba.

I Ọba 20:30

Iran ni miẹn uhunmwu vbọ keghi lẹ la adesẹ ore ẹvbo, iran kegha rrie ẹvbo ne a tie ẹre Afẹk, ekẹn ne a gbe lẹga ẹvbo nii keghi siẹn rhu iran, ọ keghi gbele arhin arriaisẹn eha irrọ vbe ọgban (27,000), vbe uwu iran. E Benhadad kevbe lẹfua, ọ na ya lẹre ye ughugha ne ọ rre iyeke owa.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Ẹksọdọs 15:10

Sokpan, ẹhoho uhiọnrọnmwẹ okpa ke ehe ne u ye rre, okun keghi gue ivbi Igipt muotọ. Iran na dinmwi zẹ vbe oze, gha rrie ototọ amẹ ne ọ gbe orrirri nii.

Itan 24:21

Gha ya ọghọ ne Nọyaẹnmwa, ovbi mwẹ, vbe gha da ne ọba. Ghẹ gu avbe emwa ni sọtẹ iran muobọ. Egbe emwa vberriọ sẹtin wa fuan vbe udomwurri.

Itan 24:22

U he roro ẹe ghe ẹdẹ vbene ọ kpọlọ sẹhẹ ighe emwi ne ọba ra Osanobua sẹtin wẹ ne ọ rruan ọmwa.

Jọsua 10:11

Ehe ne iran na lẹ ne ivbiyokuo Izrẹl ni ghe odẹ Bẹt-horọn ya sẹ Azẹka, e Nọyaẹnmwa keghi filo okuta avannukhunmwu ke odukhunmwu rre yan iran, a keghi gbele iran an. Iran ne okuta avannukhunmwu gbele keghi bun sẹ iran ne ivbi Izrẹl gbele.