II Samuẹl 18:33 - Edo Bible (E Baibol Ẹdo) Version 1996

³³ Akhiẹ keghi gba ọba ẹko ọ keghi la ughugha ne ọ rre iyeke onurho, ọ na viẹ. Vbene ọ khian nii, ọ kegha viẹ wẹẹ, “Ovbi mwẹ o, ovbi mwẹ, Absalọm, Absalọm ne ovbi mwẹ, mẹ ọ re uwu ne ọ gbuẹ gha te gbe, ovbi mwẹ, Absalọm ne ovbi mwẹ!”

II Samuẹl 18:33 ပူးပေါင်းရင်းမြစ်များ

Gẹnẹsis 21:11

Ẹmwẹ na keghi rhia Ebraham ẹko a ẹsẹse, rhunmwuda, ovbi ẹre nokpia ọre Ismẹl vbe khin.

II Samuẹl 14:1

E Joab ne ovbi Zeruaia rẹnrẹn wẹ ẹmwẹ Absalọm wa da e Devid ẹsẹse.

II Samuẹl 19:1

Iran keghi do tama e Joab wẹ e Devid gha viẹ, ọ vbe khiẹ ovbi ẹre ighẹ Absalọm.

II Samuẹl 19:4

Ọba keghi mu emwi gue aro, ọ na kakabọ gha viẹ wẹẹ, “Ẹta ovbi mwẹ! Absalọm ne ovbi mwẹ! Absalọm ne ovbi mwẹ!”

Psalm 103:13

Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Ẹksọdọs 32:32

Sokpan, banbanna nian, lahọ ya orukhọ iran bọ iran. Adeghẹ u i ra ya bọ iran, lahọ khiẹn eni mwẹ hin ebe ne u gbẹnnẹ eni emwa ruẹn yi rre.”

Itan 10:1

Avbe itan ọghe Solomọn ọre ena khin: Ọmọ ne ọ wan, te erha ẹe ghe ẹre hio; sokpan, akhiẹ ọ re ọmọ ne ọ kọẹn si ye iye ẹe egbe.

Itan 17:25

Ọmọ ne ọ kọẹn ghi gha si akhiẹ ye erha ẹe egbe, ọ ghi vbe gha ya ẹe ghe I ma rẹn ọghe ẹko orriara.

Ebe ne Pọl gbẹẹn gie emwa Rom 9:3

Vbe ọrrọ akpawẹ mẹ khian ne Osanobua fi ẹre unu kevbe ne a wannọ hin egbe Kristi rre rhunmwuda iran.

Jems 5:17

Egbe ọmwa vbene ima ye, ọre Elaija vbe gha khin. Ọ keghi na erhunmwu wẹ ne amẹ ghẹ rhọ, amẹ ma ghi gele rhọ vbe otọe nii vbe ukpo eha vbe ukhiọnmwẹ.