II Samuẹl 18:31 - Edo Bible (E Baibol Ẹdo) Version 1996

³¹ Ẹre ovbi Sudan ne ọviẹn nii na rre, ọ keghi tama ọba wẹẹ, “Iyẹn oghọghọ ọ re I rhie rre Umogun. Ẹdẹnẹrẹ na, e Nọyaẹnmwa gie obọ ruẹ ke okhunmwu ne iran ni sọtẹ ghe ruẹ!”

II Samuẹl 18:31 ပူးပေါင်းရင်းမြစ်များ

II Samuẹl 18:19

Ẹre Ahimaz ne ovbi e Zadọk na khama e Joab wẹẹ, “Gun mwẹ rhulẹ ya na iyẹn oghọghọ na ma ọba wẹ, e Nọyaẹnmwa miẹn rẹn fan vbe obọ eghian rẹn nẹ.”

II Samuẹl 18:28

Ahimaz keghi da tuẹ ọba, ọ na mu ẹko rhu otọ vbe odaro ẹre, ọ na kha wẹẹ, “Rhie urhomwẹ ne Nọyaẹnmwa Osanobua ruẹ, ọmwa ne ọ gie obọ ruẹ ke ukhunmwu ne emwa ni sọtẹ ghe ruẹ, Umogun!”

II Samuẹl 18:30

Ọba keghi tama rẹn wẹẹ, “Mudia vbe odọọ.” Ẹre ọ na gele gberra ghe odọọ ya mudia.

Psalm 58:10

Ẹko gha rhiẹnrhiẹn ẹmwata, vbe iran a miẹn wẹ a rri emwa dan oya, iran gha tubu la esagiẹn emwa dan gberra.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.