II Samuẹl 18:22 - Edo Bible (E Baibol Ẹdo) Version 1996

²² Ahimaz keghi ye rhiegba yọ, “Emwi ne ọ rhirhi khọn rẹn wẹ ne ọ sunu, lahọ, gie imẹ vbe ya na iyẹn.” E Joab keghi khama rẹn wẹ “Vbọzẹ yi ne u na ho ne u gha khian ovbi mwẹ, ere ọkpa ne u ra re vbọ i rrọọ.”

II Samuẹl 18:22 ပူးပေါင်းရင်းမြစ်များ

II Samuẹl 18:21

Ẹre ọ na tama ọviẹn ne ovbi Sudan ne ọ gue ẹe wẹẹ, “Ya na iyẹn emwi ne u miẹn ma ọba.” Ọviẹn keghi ghughẹ rre tue ọe, ọ na zẹ ulẹ ua.

II Samuẹl 18:23

Ahimaz keghi dọlegbe kha wẹẹ, “Emwi ne ọ khọn rẹn, ọ sunu, I ho ne I gha khian.” E Joab keghi khama rẹn wẹẹ, “Gha khian khekherriọ.” Ahimaz na rhulẹ la odẹ Iya e Jọdan, ọ na gberra ọviẹn nii.

II Samuẹl 18:29

Ọba keghi ka kha wẹẹ, “Deghẹ ọ ye ọvbokhan nii ẹse ighẹ Absalọm?” Ahimaz na wanniẹn wẹẹ, “Dọmọ o, ẹghẹ ne Joab na gie mwẹ, I miẹn vbe emwa hu yo hu rre, sokpan I ma rẹn vbe ọ ya de.”

I Ọba 11:22

Ọba keghi nọ rẹn wẹẹ, “Vbọzẹ, I ma ru ne uẹn sẹ ra? Ọnii ọ si ẹe ne u na ho ne u dọlegbe gha rrie owa ra?” E Hadad keghi wanniẹn ọba ẹmwẹ wẹẹ, “Hẹko gunmwẹ gha khian.” E Hadad keghi wa gha re oghian dan ọghe Izrẹl zẹ vbene ọba Idọm vbe ye.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ẹfisọs 5:4

Erriọ ọre ọ ma vbe zẹdẹ ma ne uwa ne uwa gha ta ẹmwẹ ihi, ẹmwẹ akpa, ra ẹmwẹ iruẹn. Sokpan te ọ kere ne uwa gha rhie ekpọnmwẹ ne Osanobua.