II Samuẹl 18:19 - Edo Bible (E Baibol Ẹdo) Version 1996

¹⁹ Ẹre Ahimaz ne ovbi e Zadọk na khama e Joab wẹẹ, “Gun mwẹ rhulẹ ya na iyẹn oghọghọ na ma ọba wẹ, e Nọyaẹnmwa miẹn rẹn fan vbe obọ eghian rẹn nẹ.”

II Samuẹl 18:19 ပူးပေါင်းရင်းမြစ်များ

II Samuẹl 15:27

Ọ keghi bu Zadọk gha khian, ọ tama rẹn wẹẹ, “Rhie ovbi uẹ ighẹ Ahimaz kevbe Jonatan ne ovbi Abiata, ne uwa werriegbe gha rrie ore ẹvbo vbe ọfumwegbe.

II Samuẹl 15:36

Ivbi Livai ighẹ Ahimaz kevbe Jonatan rre ehe ne iran ye, wa ghi gie iran do gha na iyẹn ẹmwẹ ne u họẹn ma mwẹ.”

II Samuẹl 17:17

E Jonatan kevbe Ahimaz keghi mudia vbe Ẹnrogẹl rhunmwuda ne emwa ghẹ ya bẹghe iran vbe iran a la ore ẹvbo. Ọvbokhan okhuo ọkpa ẹre ọ wa ya gha na iyẹn emwi ne ọ sunu ma iran, iran ghi vbe ya tama e Devid ne ọba.

II Samuẹl 18:20

E Joab keghi khama rẹn wẹẹ, “Ẹn o, ẹ i re ẹrẹ u gha ya na iyẹn oghọghọ. U sẹtin ru vberriọ ẹdẹ ọvbehe, sokpan ẹ i re ẹrẹna, rhunmwuda ovbi ọba wu.”

II Samuẹl 18:23

Ahimaz keghi dọlegbe kha wẹẹ, “Emwi ne ọ khọn rẹn, ọ sunu, I ho ne I gha khian.” E Joab keghi khama rẹn wẹẹ, “Gha khian khekherriọ.” Ahimaz na rhulẹ la odẹ Iya e Jọdan, ọ na gberra ọviẹn nii.

II Samuẹl 18:31

Ẹre ovbi Sudan ne ọviẹn nii na rre, ọ keghi tama ọba wẹẹ, “Iyẹn oghọghọ ọ re I rhie rre Umogun. Ẹdẹnẹrẹ na, e Nọyaẹnmwa gie obọ ruẹ ke okhunmwu ne iran ni sọtẹ ghe ruẹ!”

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 10:18

U gha họn, utumwẹ iran ne a zẹ kpokpo, kevbe emọ ne ẹi mwẹ erha. U gha bu ohiẹn ne iran, ne ọmwa ne ọ vbe sẹtin wu, ghẹ ghi zẹ afianma ye ọmwa egbe ọvbehe.

Psalm 7:6

Guakpao vbe ohu ruẹ Nọyaẹnmwa. Kpaegbe mu aro igbinna da okuosu avbe eghian mwẹ, guọnmwẹ egbe ne u do yọmwẹ obọ. Ohiẹn ẹmwata ọre uwẹ gualọ.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Psalm 9:4

Ohiẹn nọgbae, ne ẹi ghe ikpanro, ọre uwẹ bu, wẹ bu asẹ mẹ nẹ.

Jerimaia 51:31

Avbe emwa ne a gie ẹre uhunmwu gha vẹ ya gha khama ọba e Babilọn wẹ emwa guọghọ ekẹn la ẹre ẹvbo vbe igienenẹ.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”