II Samuẹl 18:17 - Edo Bible (E Baibol Ẹdo) Version 1996

¹⁷ Iran keghi mu ikun Absalọm, iran na mu ẹẹn fi uwu uvun ne ọ dinmwi vbe uwu ẹgbo, iran na silo okuta ọrhẹnrhẹn ranrẹn. Ivbi Izrẹl hia keghi lẹ kua, dọmwadẹ ọghọe ghe owa ẹre.

II Samuẹl 18:17 ပူးပေါင်းရင်းမြစ်များ

II Samuẹl 19:5

E Joab keghi bu ọba gha rrie owa ẹre, ọ keghi tama rẹn wẹẹ, “Te uwa mu emwa ruẹn gbe otọ ẹrẹna, avbe emwa ni zẹe ighẹ u ma wu kevbe avbe ivbi uẹ ni ikpia avbe amwọọn kevbe avbe egbakhian ruẹn.

II Samuẹl 19:8

Ẹre ọba na guakpao, ọ na ya tota ye onurho ne a la la ore ẹvbo. Emwa rẹn keghi họn wẹ, ọ rre evba, iran keghi bu ẹre gha khian ya gbe ẹbu ye ehe ne ọ ye. Vbe ẹghẹ ne a ghi kha na nian, ivbi Izrẹl hia lẹkua nẹ, dọmwadẹ ọghe ọe ghe owa ẹre.

II Samuẹl 19:9

Emwa hia kegha gui vbe ore ẹvbo ni hia wẹẹ, “E Devid ọ re ọ miẹn ima fan hin obọ avbe oghian mwa rre. Rẹn ọ re ọ fan mwa vbe obọ avbe Filistin, banbanna nian, ọ lẹ ne Absalọm, ọ kpao vbe ẹvbo rre.

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 20:22

Okhuo nii keghi mu iro nii gie ẹvbo. Iran na fian Siẹba uhunmwu, iran na fiẹe la uhunmwu ekẹn gie Joab, rẹn keghi kpe okpe, emwa rẹn hia keghi kpao vbe ẹvbo nii rre, iran na gha rrie. Ẹre Joab na dọlegbe bu ọba gha rrie Jerusalẹm.

II Ọba 14:12

A keghi khọn iyokuo Amazaia muotọ ivbi iyokuo ẹre hia keghi lẹ gha rrie owa iran.

II Ọba 8:21

Ẹre Jehoram na ka viọ ikẹkẹ okuo ẹre hia la odẹ, ọ na gha rrie Zaẹ, ivbi iyokuo Idọm keghi ghae ga iran vbe evba. Asọn ghi rre, ke irẹn kevbe ọkaokuo avbe ikẹkẹ okuo ẹre keghi miẹn ehe na ya uhunmwu ha ẹbu ladian, iran na lẹkua, ivbi iyokuo ẹre keghi tagha, dọmwadẹ ọghọe kegha rrie owa ẹre.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Diuteronomi 21:20

Iran ghi tama iran wẹẹ, ‘Ovbi ima ne okpia na ze vbe udu gbe, ẹ i vbe họn ẹmwẹ ne ima, ọdayọn nọ, ọ vbe mu ima igho rhia.’

Diuteronomi 21:21

Ẹghẹ nii, avbe ekaolotu ẹvbo nii ghi filo okuta gbe ẹe rua, odẹ vberriọ ọ re u gha ya wabọ emwi dan ni uan. Emọ ni rre Izrẹl hia ghi họn, dọmwadẹ ọghọe ghi rhie ẹwaẹn ye uhunmwu.

Jọsua 10:27

Owẹn ghi defua nẹ, e Jọsua na gie uhunmwu, a na ya hẹ iran tuorre, a na ya filo iran ku uwu uvun okuta ne iran te lẹre yi. A na viọ okuta nekhua ye unu uvun okuta nii, te iran ye rre evba.

Jọsua 7:26

Iran keghi silo okuta kpitii yan rẹn, te ọ ye rre evba do sẹ ẹdẹnẹrẹ na. Onii ọ siẹe ne a na ye tie evba nii “Iya Orueghe.” Iyeke ọnii, ohu ma ghi mu e Nọyaẹnmwa ọvbehe.

Jọsua 8:29

Ọ keghi si ọba Eai rrọọ ye erhan, ọ na sẹ ọe rae ye erhan ya sẹ ota. Owẹn ghi defua, nẹ, e Jọsua keghi gie emwa, iran na ya mu ikun ẹnrẹn tuorre, iran keghi fiẹe fi otọ vbe onurho ne a la la ẹvbo ni. Iran keghi silo okuta ọrhẹnrhẹn gbo yan rẹn, te ọ ye rre evba do sẹ ẹdẹ nẹrẹ na.

I Samuẹl 4:10

Ivbi e Filistin keghi wa kakabọ gbinna, a keghi khọn miẹn ivbi Izrẹl otọ, iran na lẹ gha rrie owa iran. Obọ wa da iran ẹsẹse, iran keghi gbele arhun arriaisẹn ọgban (30,000) vbe ivbi iyokuo Izrẹl,