E Joab keghi wanniẹn wẹẹ, “I i ghi sẹtin guẹ rhọ eghẹrẹ vbe emwa na.” Ọ keghi viọ asoro eha, ọ na halọe ye Absalọm ẹwẹe, vbe ọ ma he ye wu vbe ehe ne ọ na khuakhua ye erhan nii.
E Devid ne Ọba keghi họn ẹmwẹ ne avbe ivbi Izrẹl ta. Ọ keghi rhunmwuda ọnii gie Zadọk kevbe Abiata ne ohẹn, ne iran ya tama avbe ọkaolotu e Juda wẹẹ, “Vbe a na miẹn hẹ yi wẹ wa ọ re ọ ghi ra gha re okiekie vbe uwu ehia ne ọ gha ru iyobọ ne a ya dọlegbe rhie ọba gha die ẹguae ẹre.