II Samuẹl 17:28 - Edo Bible (E Baibol Ẹdo) Version 1996

^28-29 Iran na viọ ekpamaku ni vbẹe rre, akhe kevbe emwi ne a wa ye ukpo ne a vbiẹ. Iran kevbe viọ evbare gie Devid kevbe emwa rẹn: avbe ọka ẹsin, oka irhuarhua, evbare ne a lee, ọmọ erhan ne a tọẹn, ikpakpalọ, ere, amẹ owọn, ewẹn ẹmila ne ọ zeze, kevbe ewẹn ẹmila ne ọ kiri kevbe avbe ohuan. Iran rẹnrẹn wẹ egbe gha wọ e Devid kevbe emwa rẹn, ovbamẹ kevbe ohanmwẹ gha vbe gbe iran vbe uwu ẹgbo.

II Samuẹl 17:28 ပူးပေါင်းရင်းမြစ်များ

Gẹnẹsis 25:34

Ẹre Jekọb ghi na rhie ebrẹd eso kevbe ikpowo nẹẹn. Rẹn keghi re, ọ na da, ọ na guakpao, ọ na gha rrie. Vbene ẹmwẹ ne ọ khẹ kẹe zẹ vbe ọmọdiọn wa sẹ vbe aro Isọ, ọre ọnii khin.

Itan 11:25

Gha zẹ emwi obọ, u gha mwẹ ẹfe, yi emwa ọvbehe obọ, a gha vbe yi uwẹ obọ.

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Matiu 5:7

Ọ maa ne iran ni tohan emwa ọvbehe, Osanobua gha tohan iran!

I Samuẹl 25:18

Abigẹl keghi zẹgiẹgiẹ viọ ududu ebrẹd uri, ẹkpo ohian ayọn eva ohuan ne a ranmwẹ isẹn, ititi ọmọ azara ne a ka re iyisẹn, ududu ọmọ ohọ ne a ka re uri, ọ na kuẹn ehia yan ekẹtẹkẹtẹ.