II Samuẹl 17:27 - Edo Bible (E Baibol Ẹdo) Version 1996

²⁷ Ugbẹn vbe Devid ghi sẹ Mahanem, Siobi ne ovbi e Nahas ne ovbi ẹvbo ne a tie ẹre Raba vbe Amọn, kevbe Makiẹ ne ovbi Amiẹl ne ovbi ẹvbo ne a tie ẹre Lodeba, kevbe Bazilai ne ovbi ẹvbo ne a tie ẹre Rogelim vbe Giliad, keghi bu ẹre rre.

II Samuẹl 17:27 ပူးပေါင်းရင်းမြစ်များ

II Samuẹl 12:26

Vbe uwu ẹghẹ ne a kha na, e Joab keghi ye gha khọn e Raba ne igiogbẹ Amọn khian, te ọ ghi ra khọn mu ẹẹn fo.

II Samuẹl 17:26

Absalọm kevbe emwa Izrẹl keghi bu agọ ye Giliad.

II Samuẹl 9:4

Ọba keghi nọ wẹẹ, “Rẹn vbo nian?” E Ziba keghi wanniẹn wẹẹ, “Ọ rre owa Makiẹ ne ovbi Amiẹl ne ọ rre Lodeba.”

I Ọba 2:7

“U ghi tohan ivbi e Bazilai ni ke Giliad rre, u ghi gha gbe aro ghe iran, rhunmwuda, iran tohan mwẹ vbe ẹghẹ ne I na gha lẹ ne ọtuẹn ighẹ Absalọm.

Ẹzra 2:61

Avbe ẹwae ohẹn na ma miẹn ehe ne a gbẹn ọẹn yi wẹ ghe ivbi uniẹn ne iran khin, iran na ọ re: e Hebaia, e Hakọz kevbe Bazilai. (Erha ọghe ẹwae avbe ohẹn ọghe Bazilai, ẹwae Bazilai ne ovbi e Giliad ọ re ọ na rhie okhuo, ọ re ọ na wa gha khuẹnniẹn eni ẹwae erha ọvbokhan rẹn.) Ugbẹn vbe a ghi miẹn wẹ, iran ma sẹtin kha ivbi uniẹn ne iran khin, iran ma gie a ka ba avbe ohẹn.

I Samuẹl 11:1

Ọ ghi rre uki ọkpa, e Nahas ne ọba Amọn keghi mu okuo gie Jabẹs ne ọ rre otọ Giliad. Ivbiyokuo ẹre keghi lẹga ẹvbo nii, ọ re ivbi e Jabẹs na khama Nahas wẹẹ, “Gie ima do gba ta ẹe kugbe, ma gha kue ne u gha khaemwisẹ yan ima.”