II Samuẹl 17:23 - Edo Bible (E Baibol Ẹdo) Version 1996

²³ Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

II Samuẹl 17:23 ပူးပေါင်းရင်းမြစ်များ

II Samuẹl 15:12

Ẹghẹ ne ọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ọre irẹn khin. Ekhuan isọtẹ ne iran khuan khọ ọba kegha muotọ yọ, iran ni lele Absalọm khian kegha bun yọ.

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 16:23

Ude ne Ahitofẹl bu ẹghẹ nii, te emwa wa rhie ẹre vbene a miẹn wẹ ẹmwẹ ne Osanobua ta ẹe wa nọ, erriọ ọ re Devid kevbe Absalọm ya ẹe gha ru emwi.

II Samuẹl 17:22

Rhunmwuda ọnii, e Devid kevbe emwa rẹn keghi suẹn gha fian ẹzẹ rra, vbe ẹdẹ ghi te gbe, iran hia fian ẹn rra fo nẹ.

I Ọba 16:18

E Zimri ghi miẹn wẹ iran khọn ẹvbo nii miotọ nẹ, ọ keghi wa gha rrie ẹgun ne ọ ke uwu ẹguae sẹ ehia, ọ na rhu erhẹn ye ẹguae, rẹn tobọ ẹre keghi wu ye uwu aranmwẹ erhẹn nii.

II Ọba 20:1

Ọ ghi sẹ ẹghẹ ne a kha na, e Hẹzekaia kegha khuọnmwi, ọ kẹ ekherhe ne ọ wu. Aizaia ne akhasẹ ne ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa wẹ ne u dọlọ emwi hia yi rhunmwuda u i ra fe. Mu egbe ne u gha ya wu.”

Job 31:3

Ọ ghi mu ọfuan kevbe ọrhiae, giẹ avbe emwa ni ru emwi dan.

Psalm 109:20

E Nọyaẹnmwa, rria avbe eghian mwẹ ni ikhi vberriọ, iran ni wa ta egbe ẹmwẹ dan vberriọ ghe mwẹ!

Psalm 5:10

Bu abe gbe iran, ne u vbe rri iran oya Osanobua, uma ne iran si ọ re ọ gha gbe iran uhunmwu. Khulo iran hin ehe ne u ye rre, rhunmwuda orukhọ iran nibun kevbe ne iran na sọtẹ ruẹ.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Itan 19:3

Uyinmwẹ ọzuọ ne emwa eso yin ọ re iran ya gbe egbe iran, vbe iyekọni, iran ghi gha kpe e Nọyaẹnmwa.

Aizaia 38:1

Vbe ẹghẹ na, e Hẹzekaia ne ọba keghi gha khuọnmwi, ọ te ra wa wu. Aizaia ne akhasẹ ighe ovbi Amọz keghi ya miẹn ọẹn, ọ tama rẹn wẹẹ, “E Nọyaẹnmwa we ne a tama ruẹn ne u dọlọ emwi yi, rhunmwuda u i ra fe. Mu egbe ne u gha ya wu.”

Matiu 27:5

Judas keghi rhurhẹ igho nii ku otọ vbe Ogiukpo, ọ keghi sẹ ọe rae ye evba, ọ ghi ke evba kpao, ọ keghi ya zẹgbẹle.