II Samuẹl 17:17 - Edo Bible (E Baibol Ẹdo) Version 1996

¹⁷ E Jonatan kevbe Ahimaz keghi mudia vbe Ẹnrogẹl rhunmwuda ne emwa ghẹ ya bẹghe iran vbe iran a la ore ẹvbo. Ọvbokhan okhuo ọkpa ẹre ọ wa ya gha na iyẹn emwi ne ọ sunu ma iran, iran ghi vbe ya tama e Devid ne ọba.

II Samuẹl 17:17 ပူးပေါင်းရင်းမြစ်များ

II Samuẹl 15:27

Ọ keghi bu Zadọk gha khian, ọ tama rẹn wẹẹ, “Rhie ovbi uẹ ighẹ Ahimaz kevbe Jonatan ne ovbi Abiata, ne uwa werriegbe gha rrie ore ẹvbo vbe ọfumwegbe.

II Samuẹl 15:35

Avbe ohẹn ighẹ Zadọk kevbe Abiata gha rre evba, u ghi ta ẹmwẹ ne u họẹn vbe ẹguae ọba ma iran.

II Samuẹl 15:36

Ivbi Livai ighẹ Ahimaz kevbe Jonatan rre ehe ne iran ye, wa ghi gie iran do gha na iyẹn ẹmwẹ ne u họẹn ma mwẹ.”

I Ọba 1:42

Ọ ma he guan fo vbe Jonatan ne ovbi Abiata ne ohẹn rre. Adonaija kevbe khama rẹn wẹẹ, “La owa gha dee, ọmọ esi u khin, iyẹn esi ọ re u ra do na.”

I Ọba 1:9

Ọ ghi se ẹdẹ ọkpa, Adonaija keghi ya avbe ohuan, ẹmila kevbe ẹkhuia abẹgbe zọ ese vbe Okuta ẹyẹn ne ọ rre ọkpẹn ẹzẹ ne a tie ẹre Ẹnrogẹl, ọ keghi gie ne a tie ivbi e Devid nekpa hia kevbe emwa ni rre oga ọba ni ke Juda rre, gha die izọese na,

Jọsua 15:7

ọ na vbe ke Iya Orueghe kpao gha rrie Debẹ, ọ na vbe laghe odẹ okuọ, ọ kevbe bi egbe ghe Gilgal ne ọ mu aro da Adumim Pas ne ọ rre Odẹ ekẹn ọghe Iya nii. Ọ na vbe ke evba gha rrie ẹzẹ Ẹnsiemẹs, ọ na vbe niẹn obọ ghe Ẹnrogẹl.

Jọsua 18:16

Ọ na ghi ke evba gha rrie ọkpẹn oke ne a ke ghe Iya e Hinọm vbe odẹ ufomwẹ ne ọ muda okuọ ọghe iya Refeim. Ọ keghi lele Iya Hinọm la gha odẹ ekẹn, vbe odẹ ekẹn ọghe iya Jebus vbe odẹ Ẹnrogẹl.