II Samuẹl 17:11 - Edo Bible (E Baibol Ẹdo) Version 1996

¹¹ Iro ne imẹ zẹe ọrọre wẹ ne u si ivbi Izrẹl hia koko, ke ehe ne ẹvbo sẹe vbe obọ na, ya sẹ obọ nọkpa, iran ni ye vbe ekhae ni rre ọkpẹn okun vbe ubunmwẹ, wẹ ghi tobọ viọ iran gha rrie okuo.

II Samuẹl 17:11 ပူးပေါင်းရင်းမြစ်များ

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

II Samuẹl 12:28

Banbanna nian, si emwa ruẹn ni dekẹe koko ne u tobọ ruẹ ya khọn rẹn fo. I ma ho ne a gha tian mwẹ wẹ mẹ ọ re ọ khọn rẹn miotọ.”

II Samuẹl 24:2

Ẹre Devid na tama e Joab ne ọkaokuo ẹre wẹẹ, “Viọ emwa iwinna ruẹn mwẹ obọ, ne uwa la ẹwae Izrẹl hia khinkhian ne uwa ka emwa hia. I ho ne I rẹn inu ne iran khin.”

I Ọba 20:10

ọvbehe rre wẹẹ, “I gha viọ emwa ni bun rre ne iran do dunmwu ẹvbo ruẹ na an. Iran gha bun sẹrriọ wẹ te iran khian kpolo ebubẹ ọre mwẹ obọ gha rrie. Te avbe ẹbọ gha kinmwi mwẹ gbe ua a deghẹ I ma ru ẹe vberriọ!”

I Ọba 4:20

Ivbi e Juda kevbe Izrẹl kegha bun zẹ vbe ikpekhae ni rre ọkpẹn okun, iran kegha re, iran na gha da, ẹko kegha sẹ ehia ọyẹnmwẹ.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Jọsua 11:4

Iran keghi viọ ivbiyokuo iran hia gha dee, ivbiyokuo ne emwa nii viọ rre wa bun vba ekhae ni rre ọkpẹn okun. Iran keghi vbe mwẹ ẹsin ni bun kevbe ikẹkẹ okuo ni bun ẹsẹse.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

I Samuẹl 3:20

Ẹre ivbi Izrẹl hia, ehe ne ọ sẹe, ehe ne ọ rhanmwẹ, na rẹn wẹ akhasẹ e Nọyaẹnmwa ọ re Samuẹl wa khin.