II Samuẹl 16:9 - Edo Bible (E Baibol Ẹdo) Version 1996

⁹ Ẹre Abisiai ne ovbi e Zeruaia na tama ọba wẹẹ, “Umogun, vbọzẹ ne u na rhie ẹghẹ ne ovbiakota na ya gha rhovbiọ yi? Gun mwẹ bu ẹre ne I ya fian ẹre uhunmwu fua!”

II Samuẹl 16:9 ပူးပေါင်းရင်းမြစ်များ

II Samuẹl 19:21

Ẹre Abisiai ne ovbi e Zeruaia na ni urhu ladian wẹẹ, “Ọmwa ne a gbe ua ọre Simẹi khin rhunmwuda, ọ kpa unu ghe ọmwa ne Nọyaẹnmwa hannọ ne ọ gha re ọba.”

II Samuẹl 19:22

Sokpan e Devid keghi khama Abisiai kevbe Joab ne ọtiọnrẹn wẹẹ, “Gha ọ wẹ ne u guan yọ yi? Te u ra si ẹti yọ mwẹ urhu ra? Banbanna nian, mẹ ọ re ọba Izrẹl, ovbi Izrẹl ne a gha gbe ua ẹrẹna, ẹ i rrọọ.”

II Samuẹl 3:30

Erriọ ọ re a na miẹn wẹ e Joab kevbe Abisiai ne ọtiọnrẹn na gbe Abna an, rhunmwuda ighẹ ọ gbe Asahẹl ne ọtẹn iran vbe okuo Hibrọn.

II Samuẹl 3:8

Emwi na keghi wa ya ohu mu Abna ẹsẹse, ọ keghi kha wẹẹ, “Te uwẹ ghi ro ighẹ I gha hiẹ e Sọl ra? Wa ke otọ gha dee, te I wa mu ẹmwẹ e Sọl ne erha a yan uhunmwu, kevbe etiọnrẹn, kevbe esiọre. Mẹ ọre ọ vbe zẹ ne Devid ma na he khọn miẹn ruẹn otọ, ọ re u na ghi do gha gun mwẹ gui ẹzọ okhuo na!

II Samuẹl 9:8

Mẹfibosiẹt keghi dọlegbe gbe uhunmwu kotọ, ọ wẹẹ, “Enọwanrẹn, mẹ ma maa vba ekita ne ọ wu: Vbe u a a ghi na ru mwẹ ẹse nọ sẹ vbe nian hẹẹ?”

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Iyẹn ne ọ Maan Ọghe Luk 9:54

Ugbẹn vbe Jems vbe Jọn ne erhuanegbe ẹre ghi miẹn ọna, iran wẹẹ, “Ma ghi tie erhẹn ke ẹrinmwi rre ne ọ fuẹn iran an?”

Iwinna 23:5

Pọl wanniẹn wẹ, “Etẹn, I ma rẹn ighẹ Ogie Ohẹn nọ. Rhunmwuda Ebe tae nẹ wẹ, ‘Ohan igie uwẹ ye unu sakan ọmwa ne ọ khaemwisẹ yan emwa ruẹn.’ ”

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

I Samuẹl 24:14

Ghe emwi ne ọba Izrẹl ho ne ọ gbe ua! Ghe emwi ne ọ khu khian, ekita ne ọ wu, ovbi ọkhọe.