II Samuẹl 16:4 - Edo Bible (E Baibol Ẹdo) Version 1996

⁴ Ọba keghi khama Ziba wẹẹ, “Emwi ne Mẹfibosiẹt mwẹ hia khian ọwuẹ.” E Ziba ke wanniẹn wẹẹ, “Ọguọmwadia ruẹ ọre I khin. I i gha tẹ vbe obọ ruẹ Umogun.”

II Samuẹl 16:4 ပူးပေါင်းရင်းမြစ်များ

II Samuẹl 14:22

E Joab keghi ya ọghọ mu ẹko rhu otọ ne Devid, ọ wẹẹ, “Te Osanobua gha fiangbe uẹ, Umogun, wanwanna nian, I rẹnrẹn wẹ ẹko mwẹ ma ruẹn, rhunmwuda, u ru emwi ne I nọ rẹn mẹ.”

II Samuẹl 14:4

Okhuo nii keghi bu ọba gha khian, ọ vbokho egbe rriotọ vbe ọghọ ọ keghi kha wẹẹ, “Yọ mwẹ obọ, Umogun!”

II Samuẹl 14:8

Ọba keghi wanniẹn wẹẹ, “Gha rrie owa, I gha guan ye ẹmwẹ na.”

II Samuẹl 16:3

Ọba keghi kha wẹẹ, “E Mẹfibosiẹt ne eyẹ e Sọl ne arowa a vbo yi?” E Ziba keghi wanniẹn wẹẹ, “Ọ rre Jerusalẹm, rhunmwuda aro ẹre wa dae nẹ wẹ ivbi Izrẹl gha mu arriọba e Sọl ne erha ẹe odede ne ẹẹn.”

II Samuẹl 16:5

Ugbẹn vbe Devid ne ọba ghi sẹ Bahurim, ọtẹn e Sọl ọkpa ne a tie ẹre Simẹi ne ovbi e Gera, keghi bu ẹre gha dee, ọ na wa gha rhovbiẹ ọe vbene ọ wa ya dee nii.

II Samuẹl 19:27

Ọ keghi do ba mwẹ ohoghe ma ruẹn, Umogun, sokpan, te u wẹ yevbe odibosa, rhunmwuda ọnii, emwi ne ọ ghi kei vbe aro ruẹ, ru mwẹ re.

II Samuẹl 9:6

E Mẹfibosiẹt ne ovbi e Jonatan kevbe eyẹ e Sọl ghi rre, ọ keghi ya ọghọ ghughẹ rre vbe odaro e Devid. E Devid keghi kha wẹẹ, “Mẹfibosiẹt!” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

II Samuẹl 9:9

Ẹre ọba ghi na tie Ziba ne ọguọmwadia e Sọl, ọ na tama rẹn wẹẹ, “I viọ emwi e Sọl hia ne Mẹfibosiẹt ne eyẹ Sọl ne arowa a, ke ẹe kevbe ẹgbẹe ọre hia.

Ẹksọdọs 23:8

Ghẹ miẹn oko iyeke, rhunmwuda te oko iyeke rhu emwa aro ne iran ghẹ dẹghe ẹmwata, ọ ghi gbe ẹki ẹmwẹ ye ne ọ ma ru khọ obọ.

Itan 18:13

Gha danmwehọ ẹmwẹ nẹ, u kegha rhie ewanniẹn yọ, adeghẹ ẹ i re vberriọ, te u ru emwi ọzuọ ne ọ vbe yagha ọmwa.

Itan 18:17

Ọmwa ne ọ ka gui vbe iko, ọ ghi yevbe ne a miẹn wẹ rẹn ọ re ọ rria ase, ọmwa ne iran gba gui ke nọ rẹn ọta.

Itan 19:2

Isasegbe ne irẹnmwi i ye ma kei, te ibalegbe si ẹmwẹ ye ọmwa egbe.

Diuteronomi 19:15

“Osẹe ọkpa ma sẹ ne a gha ya bu abe gbe ọmwa, ọ gha ghi kanmwa buan, osẹe eva ọ re ọ gha sẹ osẹe a te kha ighẹ ọmwa nii rri abe.