Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Samuẹl 16:21 - Edo Bible (E Baibol Ẹdo) Version 1996

21 Ahitofẹl keghi wanniẹn wẹẹ, “Bu avbe egbakhian erhaa, ne ọ sẹrae ye otọ ne iran gha gbearoghe ẹguae ne u ya gu iran ru emwi ọdọ vbe amwẹ. Ivbi Izrẹl hia ghi do họn wẹ u sọtẹ erhaa nẹ, orhiọn ghi kakabọ la irogho ruẹ iwu.”

အခန်းကိုကြည့်ပါ။ ကော်ပီ




II Samuẹl 16:21
22 ပူးပေါင်းရင်းမြစ်များ  

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”


Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.


Rẹn keghi bu ẹre gha rrie ọkpẹn odẹ, ọ tama rẹn wẹẹ, “Larre, inu igho u miẹn ọmwa re yi?” (Ọ ma rẹn wẹ amwẹ ovbi ẹre nọ.) Rẹn ke nọ rẹn wẹẹ, “Vbu a ra rhie mẹ?”


Vbe ẹghẹ ne a kha na kevbe iyeke ẹghẹ nii, avbe arhuanran ne ikhuo nii kevbe avbe ẹrinmwi nii biẹlẹe kegha rre agbọn. Iran nii ọre ọ gha re avbe ọkhae ni hin usi ọghe ẹkpo nẹdẹ.


Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).


I vbe yan ma ruẹn nian wẹ I gha ru ẹe ne ovbi uwowa ruẹ gha si ọlọghọmwa ye uẹ egbe. U gha ye aro miẹn uẹn vbe I gha viọ avbe amwẹ ọẹn ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho.


E Jonadab keghi tama rẹn wẹẹ, “Ba kha ighẹ u khuọnmwi ne u ya lovbiẹ. Erha a gha rre do miẹn uẹn u ghi tama rẹn wẹẹ, ‘Lahọ gie Tama ne ọtẹn mwẹ do rhie evbare mẹ, I ho ne ọ mu nene evbare ye eke ne I gha na gha dẹghe irẹn tobọ ẹre vbe emwa, ọ ghi vbe tobọ ẹre gha rhie nene evbare mẹ.’ ”


Ẹre ọba na kpao, ke ẹe kevbe ẹgbẹe ọre hia kevbe avbe ekhaẹmwẹ ọnrẹn, sokpan ama wẹ egbakhian igbe ne ọ sẹ rae ne iran gha gbe aro ghe owa.


Ẹre Absalọm na mu aro da Ahitofẹl, ọ wẹẹ, “Wan rre. De emwi ne ima ghẹ ghi ru yi vbene ima ghi na sẹ emwana nẹ?”


E Husiai keghi wanniẹn wẹẹ, “Iro ne Ahitofẹl zẹ rre ẹghẹ na, ẹ i maa,


Wa ghi wegbe ne uwa vbe din. E Sọl ne ọba uwa wu nẹ nian, ivbi e Juda vbe ma mwẹ ọba iran.”


Ẹre Devid na la ẹguae ẹre vbe Jerusalẹm, ọ keghi viọ avbe egbakhian igbe ne ọ sẹrae ne ọ gha gbe aro ghe ẹguae, ọ na viọ ye igbedia. Ọ kegha koko iran, sokpan, ọ ma gu iran ru emwi ọdọ vbe amwẹ. Ọ keghi wa mu iran ye igbedia vbe ẹdẹ agbọn iran, zẹ vbe ikhuo ni dẹgbẹ.


Rẹn keghi vbe gha re oghian Izrẹl vbe ẹghẹ ne Solomọn na gha rre agbọn.


E Batsiẹba keghi nọ rẹn wẹẹ, “De emwi ne ọ khin yi?” Rẹn keghi wanniẹn wẹẹ, “Lahọ, tama e Solomọn ne ọ rhie Abisiag ne ovbi ẹvbo e Siunẹm mẹ rhie rọnmwẹ, mẹ rẹnrẹn wẹ, ẹ i ra he uhunmwu na ye uẹ obọ.”


Ọba na nọ wẹẹ, “Vbu a na wẹ ne I rhie Abisiag ne ẹẹn hẹ yi? U sẹtin wẹ ne I wa vbe mu ẹkete ne ẹẹn. U ghe ighẹ ọtẹn mwẹ ne ọdiọn nọ, Abiata ne ohẹn kevbe Joab, ọghe ọe ọre iran ta yi?”


Ghẹ yagha erha a vbene u gha na gu avbe amwẹ ọnrẹn nekpa ru emwi ọdọ vbe amwẹ.


Ọmwa ne ọ gu amwẹ erha ẹe ru emwi ọdọ vbe amwẹ, te ọ yagha erha ẹe, a ghi gbele irẹn vbe okhuo nii uan. Obọ iran ọre emwi ne ọ gbele iran ke rre.


Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”


I họn ẹmwẹ uyinmwẹ alama oghẹ vbe obọ uwa, egbe ne ohan i gie avbe enigẹbọ danmwẹ ghe, rhunmwuda, a tama mwẹ wẹ arhin ọkpa rhie amwẹ erha ẹe rọnmwẹ.


Ivbi Izrẹl hia keghi họn ighẹ e Sọl gbe ọkaokuo ivbi e Filistin kevbe wẹ te ivbi e Filistin ghi khọ ẹko iran. Emwa ni hia keghi wa khuẹnniẹn yọ, iran keghi bu e Sọl gha rrie Gilgal.


Akis keghi mu ẹtin yan Devid, ọ wẹẹ, “Ivbi Izrẹl ne emwa rẹn khu iwu ẹre sẹrriọ wẹ mẹ ọ re ọ ra gha ga ẹdẹdẹmwẹdẹ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ