II Samuẹl 16:20 - Edo Bible (E Baibol Ẹdo) Version 1996

²⁰ Ẹre Absalọm na mu aro da Ahitofẹl, ọ wẹẹ, “Wan rre. De emwi ne ima ghẹ ghi ru yi vbene ima ghi na sẹ emwana nẹ?”

II Samuẹl 16:20 ပူးပေါင်းရင်းမြစ်များ

II Samuẹl 15:12

Ẹghẹ ne ọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ọre irẹn khin. Ekhuan isọtẹ ne iran khuan khọ ọba kegha muotọ yọ, iran ni lele Absalọm khian kegha bun yọ.

II Samuẹl 16:19

A deghẹ erriọ nọ khekherriọ, de ọmwa ne ọ kere ne imẹ gha ga, a deghẹ ẹ i re ovbi ọse mwẹ? Zẹ vbene I ga erhaa, erriọ ọ re I ghi ra vbe ga uwẹ.”

II Samuẹl 16:21

Ahitofẹl keghi wanniẹn wẹẹ, “Bu avbe egbakhian erhaa, ne ọ sẹrae ye otọ ne iran gha gbearoghe ẹguae ne u ya gu iran ru emwi ọdọ vbe amwẹ. Ivbi Izrẹl hia ghi do họn wẹ u sọtẹ erhaa nẹ, orhiọn ghi kakabọ la irogho ruẹ iwu.”

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Ẹksọdọs 1:10

Rhunmwuda ọnii, wa danmwehọ, te ima gha ya ẹwaẹn ya obọ mu iran ne iran ghẹ ghi muan sayọ. Okuo i ghẹ rre, iran sẹtin wa deba avbe eghian ima gu ima gbinna, iran ghi lẹkua vbe ẹvbo na.”

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 29:15

Ọghe iran fo ighe avbe emwa ni ho ne iran gha rhie emwamwa iran lẹre ne Osanobua. Iran ru emwi ne iran mwamwa ẹn vbe ẹkhokho, iran ghi vbe gha ro wẹ ọmwarhọkpa i ra bẹghe iran, ra ne iran rẹn emwi ne iran ru.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.