II Samuẹl 16:2 - Edo Bible (E Baibol Ẹdo) Version 1996

² E Devid ne ọba keghi nọ rẹn wẹẹ, “Vbe u a a ya ena hia ru yi?” E Ziba keghi wanniẹn wẹẹ, “Avbe ẹsin ni rrọọ keghi re ne ẹgbẹe ọba ra gha hin, ebrẹd kevbe avbe ọmọ erhan ni rrọọ kegha re ne avbe emwa nii gha re, ayọn nọ rrọọ keghi re ne iran gha wọn vbe egbe a wọ iran vbe uwu ẹgbo.”

II Samuẹl 16:2 ပူးပေါင်းရင်းမြစ်များ

Gẹnẹsis 21:29

Abimẹlẹk na nọ rẹn wẹẹ, “Vbọzẹ ne u na ruẹe vbe nian yi?”

Gẹnẹsis 33:8

Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.”

II Samuẹl 15:1

Vbe iyeke ọnọna, Absalọm keghi ya viọ ẹsin kevbe ikẹkẹ okuo, deba ivbiyokuo ekigbesiyeha ne ọ gha rhulẹ ke odaro ne irẹn.

II Samuẹl 15:23

Emwa ni lele Devid khian ghi gberra khian, emwa nii hia keghi wee eve. Ọba keghi fian ẹzẹ Kidrọn rra, emwa rẹn keghi vbe fian ẹẹn rra, iran keghi la odẹ ẹgbo.

II Samuẹl 19:26

Rẹn keghi wanniẹn wẹẹ, “U rẹnrẹn Umogun ighẹ arọe ẹre I khin. I tama ọguọmwadia mwẹ wẹ ne ọ rro ẹsin ye otọ mẹ ne I miẹn ehe na leluẹ gha khian, sokpan, ọ ke rẹrẹ mwẹ.

Ezikiẹl 37:18

Emwa ruẹn gha nọ ruẹn wẹ ne u tama iran emwi ne a ya ọnii kha,

Giọgis 10:4

Rẹn kegha mwẹ emọ ikpia ọgban ni vbe gha hin ekẹtẹkẹtẹ ọgban. iran kegha mwẹ okpẹvbo ọgban vbe otọe Giliad ne a ye tie ẹre ẹvbo ukpo ọghe Jaẹl.

Giọgis 5:10

Wa gha ta ẹe, wa ni hin ekẹtẹkẹtẹ nọfua ni tota yan egbalọ ẹsin ke uwa ni gha ya owẹ, yo ehe ne uwa rrie.

I Samuẹl 14:28

Sokpan, ọkpa vbe uwu avbe emwa nii keghi kha wẹẹ, “Obọ ohanmwẹ da emwa hia, sokpan erha a yan ma ima wẹẹ, ‘Emwi ọ gha rruan ọmwa ne ọ rhirhi a rri evbare ẹrẹna.’ ”

I Samuẹl 25:27

Lahọ adazẹ, miẹn mwẹ emwi ne I viọ guẹ na ne u viọ ne emwa ruẹn.