II Samuẹl 16:19 - Edo Bible (E Baibol Ẹdo) Version 1996

¹⁹ A deghẹ erriọ nọ khekherriọ, de ọmwa ne ọ kere ne imẹ gha ga, a deghẹ ẹ i re ovbi ọse mwẹ? Zẹ vbene I ga erhaa, erriọ ọ re I ghi ra vbe ga uwẹ.”

II Samuẹl 16:19 ပူးပေါင်းရင်းမြစ်များ

II Samuẹl 15:34

Sokpan, u gha sẹtin yọmwẹ obọ vbe ekpa ne u gha na gha ghe odan ye ude ne Ahitofẹl bu, u ghi werriegbe gha rrie ore ẹvbo, u ghi ya tama Absalọm wẹẹ, ‘Umogun, I gha vbe gha ga uwẹ nian vbene I te vbe gha ga erhaa.’

II Samuẹl 16:18

E Husiai keghi wanniẹn wẹẹ, “Vbe i a ghi lele ẹe hẹ? Otu ọmwa ne Nọyaẹnmwa, kevbe emwa na, kevbe Izrẹl zẹe, ọ re I ye. I gha tota ke uwẹ.

II Samuẹl 16:20

Ẹre Absalọm na mu aro da Ahitofẹl, ọ wẹẹ, “Wan rre. De emwi ne ima ghẹ ghi ru yi vbene ima ghi na sẹ emwana nẹ?”

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Galatia 2:13

Iran ne Ju, ne etẹn mwẹ nekpa keghi vbe suẹn gha ru emwi avbiẹrẹ deba e Pita. Uhin ighẹ te nene uyinmwẹ avbiẹrẹ iran vbe sẹ egbe Banabas.

I Samuẹl 28:2

E Devid keghi wanniẹn wẹẹ, “Wẹ rẹnrẹn wẹ ọguọmwadia ruẹ ọ re I khin, wẹ tobọ gha vbe miẹn emwi ne I gha ru.” Akis keghi kha wẹẹ, “Ọ wa maa, I gha ya ẹe ru ne I ya khẹ egbe mwẹ ẹdẹdẹmwẹdẹ.”

I Samuẹl 29:8

E Devid keghi wanniẹn wẹẹ, “Vbe I a ghi ru yi? A deghẹ vbene u khare u ma he miẹn abakuru vbe obọ mwẹ ke ẹghẹ ne I ya suẹn gha ga a gha dee, vbọzẹ ne I i khian na lele uẹ yo, arowa mwẹ, kevbe ọba mwẹ ne I ya gu avbe eghian ruẹn gbinna?”